Në Spitalin e Përgjithshëm “Rezonanca 2”, pacientët mund të marrin një gamë të gjerë shërbimesh mjekësore, duke filluar nga konsultat specialistike e deri te hospitalizimi dhe ndërhyrjet kirurgjike të profileve të ndryshme. Ky institucion shëndetësor synon t’u ofrojë pacientëve trajtim të plotë dhe kujdes profesional në çdo fazë të diagnostikimit dhe mjekimit.
Në një intervistë për emisionin “Familja Jonë”, drejtori i Spitalit të Përgjithshëm “Rezonanca 2”, Nazim Dakaj, ka folur për shërbimet që ofrohen në këtë spital, kushtet për pacientët dhe standardet që ndjek institucioni në trajtimin e tyre.
Sipas Dakajt, pacientët në këtë spital mund të marrin shërbime në disa fusha të rëndësishme të mjekësisë, përfshirë:
- Gjinekologji
- Gastroenterologji
- Kardiologji
- Kardiologji invazive
- Radiologji
- Ortopedi
- Kirurgji abdominale
- Kirurgji maksilofaciale
- ORL (Otorinolaringologji) me intervenime të ndryshme specialistike
- Analiza laboratorike dhe diagnostikuese
Ai ka theksuar se spitali është i pajisur me infrastrukturë moderne dhe me staf profesional, me qëllim që pacientëve t’u ofrohet trajtim cilësor dhe efikas.
Përveç konsultave specialistike dhe ndërhyrjeve mjekësore, Dakaj ka veçuar edhe rëndësinë e kushteve që u ofrohen pacientëve gjatë qëndrimit në spital. Ai ka përmendur sallat moderne dhe të sterilizuara, hospitalizimin me standarde të larta, funksionimin 24 orë në ditë si dhe ofrimin e shërbimeve pa pritje të gjata.
Një ndër aspektet që drejtori i spitalit e konsideron shumë të rëndësishëm në procesin e trajtimit është edhe ushqimi i pacientëve, i cili përshtatet sipas gjendjes shëndetësore dhe nevojave specifike të secilit pacient.
“Pjesë e mjekimit është edhe ushqimi. Për shembull, një pacient që është diabetik nuk mund të ushqehet njëjtë si një pacient që nuk është diabetik, për shkak se ushqimi duhet të jetë i veçantë për të. Këtu ushqimi zgjidhet në mënyrë shumë profesionale nga nutricionistë të përgatitur, të cilët përcaktojnë se çfarë lloj ushqimi duhet të konsumojë një pacient në raport me sëmundjen që ka”, ka shpjeguar Dakaj.
Sipas tij, kujdesi ndaj pacientit nuk përfundon vetëm te trajtimi mjekësor por përfshin edhe rehabilitimin, ushqimin dhe mbështetjen e vazhdueshme gjatë qëndrimit në spital.
Spitali i Përgjithshëm “Rezonanca 2” ndodhet në kilometrin e 9-të të magjistrales Prishtinë – Ferizaj, afër Prishtina Mall, prapa Spitalit Bahceci.
Për më shumë informacione, pacientët e interesuar mund ta kontaktojnë spitalin në numrin 049 603 330 ose përmes emailit: hospital@rezonanca-rks.com.
Në videon më poshtë mund ta ndiqni intervistën e plotë me drejtorin e Spitalit të Përgjithshëm “Rezonanca 2”, Nazim Dakaj, ku ai prezanton më gjerësisht shërbimet, pajisjet mjekësore dhe vizionin e këtij institucioni shëndetësor.
