Ndonëse mund ta keni lexuar tashmë se çokollata mund të jetë e dobishme për shëndetin tuaj, mund të keni qenë paksa skeptikë. Përgjigja e shkurtër është: ndoshta. Studiuesit kanë bërë shumë kërkime mbi përfitimet e mundshme të të ngrënit të çokollatës, por duket se nuk janë afër të vendosin nëse çokollata duhet të klasifikohet si ushqim i shëndetshëm.

Disa studime janë fokusuar në një grup përbërësish kimikë të njohur si flavonoidë. Këto komponime gjenden në shumë bimë dhe ushqime me bazë bimore, si çaji dhe vera, që shumë prej nesh i konsumojnë çdo ditë dhe tashmë dihet se kanë veti antioksiduese.

Kakaoja përmban flavonoide të shumta, por fokusi më i madh është pikërisht tek katekinat dhe flavanolet. Këto kimikate janë përgjegjëse për gjithçka, nga ulja e rrezikut të zhvillimit të sëmundjeve të tilla si diabeti, ataku në zemër dhe sulm në tru, dhe kanceri e deri te përmirësimi i funksionit të trurit.

Çokollata e zezë është gjithmonë një zgjedhje më e mirë

Nëse lloji juaj i preferuar i çokollatës është çokollata me qumësht ose ndonjë lloj tjetër karamele me çokollatë të mbushur, për fat të keq, nuk keni fat, shkruan HowStuffWorks. Përqendrimet më të larta të flavonoideve gjenden në çokollatën me përqindjen më të lartë të kokrrave të kakaos – pjesa e ngurtë e kokrrës së kakaos që i jep çokollatës ngjyrën dhe shijen e saj karakteristike. Kjo i referohet çokollatës shumë të zezë ose pluhurit të kakaos pa sheqer, shkruan Index.hr, transmeton Klankosova.tv.

Nëse dëshironi më shumë përfitime nga çokollata, mund të mos jetë e mjaftueshme të hani vetëm çokollatë shumë të zezë. Sasia e flavanoleve mund të ndryshojë në varësi të kokrrës së kakaos dhe temperaturat e larta që përdorin disa prodhues çokollate gjatë përpunimit mund të heqin disa ose të gjitha flavanolet.

Çfarë thonë studimet?

Hulumtimi mbi përfitimet shëndetësore të çokollatës sjell gjithashtu lajme të mira. Shumica e studimeve fokusohen në potencialin e çokollatës për të luftuar sëmundjet që shumë mjekë i quajnë “katër të mëdhenjtë”: diabeti, kanceri, goditjet në tru dhe sëmundjet e zemrës.