Kanceri i gjirit është ndër sëmundjet më të përhapura tek gratë, por nëse zbulohet herët, shanset për shërim janë shumë të larta. Muaji tetor njihet si “Muaji i Ndërgjegjësimit për Kancerin e Gjirit” dhe synon të informojë gratë për rëndësinë e kontrollit të rregullt dhe njohjen e shenjave paralajmëruese.

Njohja e hershme e simptomave mund të bëjë diferencën midis trajtimit të suksesshëm dhe përhapjes së sëmundjes. Prandaj, është e rëndësishme që çdo grua të jetë e vëmendshme ndaj çdo ndryshimi në trupin e saj.

Simptomat më të zakonshme të kancerit të gjirit përfshijnë:

• Shfaqja e një gungë ose trashjeje në gjoks apo në zonën e sqetullës.
• Ndryshim në madhësinë, formën ose strukturën e gjoksit.
• Lëkurë e irrituar ose me pamje si “lëkurë portokalli”.
• Skuqje, ënjtje, ose plasaritje në zonën e thithës ose përreth saj.
• Dalje e lëngjeve nga thithja që nuk lidhen me periudhën e ushqyerjes me gji.
• Dhimbje e pazakontë ose ndjesi rëndese në njërin gjoks.
• Thithje e tërhequr brenda (ndryshim në pozicionin normal të saj).

Mjekët theksojnë se jo çdo ndryshim nënkupton domosdoshmërisht kancer, por çdo shenjë e pazakontë duhet të kontrollohet nga mjeku sa më shpejt që të jetë e mundur.

Kontrolli i rregullt shpëton jetë

Gratë mbi moshën 40 vjeç këshillohen të bëjnë mamografi të paktën një herë në vit, ndërsa ato më të reja të praktikojnë vetëkontrollin mujor të gjirit.
Zbulimi në fazat e hershme e rrit ndjeshëm mundësinë e shërimit dhe parandalon përhapjen e sëmundjes.