Ministria e Shëndetësisë ka njoftuar se sot fillon vaksinimi masiv i qytetarëve me vaksinat kundër Covid-19.

MSh iu ka bërë thirrje qytetarëve që të regjistrohen dhe aplikojnë online në platformën eKosova, për të shmangur tollovitë në qendrat e vaksinimit.

Qytetarët për t’u vaksinuar fillimisht duhet të regjistrohen në platformën eKosova dhe të aplikojnë për vaksinim. Një person i regjistruar në këtë platformë, mund të regjistrojë dhe të aplikojë edhe për pesë persona tjerë.

Pasi të aplikoni, duhet të prisni thirrjen telefonike nga zyrtarët e MSH-së për t’ua caktuar terminin për vaksinim. Mos shkoni në qendrën e vaksinimit pa e marr konfirmimin përmes telefonit, SMS apo e-mail për terminin e marrjes së vaksinës.

Ministria e Shëndetësisë ka angazhuar 297 ekipe të mjekëve dhe infermierëve për të administruar imunizimin e qytetarëve.