Për shumicën prej nesh, të qenit i lumtur është ndoshta një nga gjërat më të rëndësishme që duam gjatë jetës.

Mendoni për këtë – kush nuk dëshiron të jetë i lumtur?!

Ndërsa ekzistojnë shumë faktorë që kontribuojnë në lumturinë tuaj dhe ne të gjithë kemi pikëpamje se çfarë është lumturia, ekzistojnë disa gjëra të përgjithshme që mund të bëni për të ndihmuar veten ta arrini atë. Nëse doni të bëheni një person më i lumtur, këto hapa mund t’ju ndihmojnë në rrugën tuaj për një jetë më pozitive.

Provoni këto 5 hapa për të qenë më i lumtur!

1. Mësoni të thoni jo

Mund të jetë e vështirë t’i thuash jo dikujt, veçanërisht dikujt që e ke për zemër. E kuptueshme! Mos harroni, përderisa mundoheni t’i kënaqni të tjerët ju i bëni dëm vetës.

Mund të jetë e vështirë t’i thuash jo njerëzve, veçanërisht në fillim. Ndërsa filloni të shihni se kjo shkon në dobinë tuaj, bëhet më e lehtë të thuani jo kur dëshironi!

2. Lërini krahasimet

Duke e krahasuar veten me dikë tjetër, krijon vetë-dyshim. Mos harroni se të gjithë kanë pikat e tyre të forta dhe rrugëtimi i të gjithëve është i ndryshëm.

Herën tjetër kur do të krahasoni veten me dikë mendoni për diçka që keni arritur kohët e fundit. Kjo mund t’ju ndihmojë të mendoni pozitivisht!

3. Bëhuni pozitiv

Edhe në ditët kur ndiheni sikur shumë gjëra kanë shkuar keq, do të ketë diçka për të cilën mund të jeni falënderuese. Mendojini të mirat çdo ditë, filloni t’i vlerësoni ato dhe së shpejti do të vini re që mentaliteti juaj do të ndryshojë.

4. Edukoni veten në fushat që dëshironi të përparoni

Arsimi është jashtëzakonisht i rëndësishëm dhe ky është një fakt i pamohueshëm! Vetë-edukimi mund t’ju ndihmojë të ndiheni më të lumtur sepse rrit besimin tuaj.

Kjo nuk do të thotë që ju duhet të filloni të studioni (përveç nëse dëshironi, natyrisht!). Bëni hulumtime, regjistrohuni në ndonjë kurs ose kërkoni dikë që t’ju mësojë. Mësoni një aftësi të re ngase mund të jetë një nxitje e madhe për vetëvlerësimin tuaj.

5. Bëni gjëra që doni

Kur bëni gjëra që ju pëlqejnë, ndiheni më të lumtur! Nëse e doni leximin, përpiquni të lexoni më shumë. A ju pëlqen të shëtisni në muzg? Gjeni kohë të lirë kur të keni mundësi dhe shijoni perëndimin e diellit! Bëni gjëra që ndihmojnë për të rimbushur bateritë tuaja mendore dhe do të zbuloni se stresi dhe presionet e tjera mund të fillojnë të shkrihen. Veprimet e vogla si këto mund të bëjnë një ndryshim të madh në nivelin tuaj të lumturisë!

Nëse ndiqni këta hapa, tani jeni në rrugën tuaj për tu bërë më të lumtur!/Familja Jonë