Një mëngjes i thjeshtë, pa sheqer të shtuar, me ëmbëlsi nga frutat.
Përbërësit:
- 1 filxhan tërshërë
- 1 banane e pjekur
- 2–3 kumbulla
- 1 vezë
- ½ filxhani kos
- ½ lugë çaji kanellë
- pak vanilje, sipas dëshirës
- disa arra ose bajame të grimcuara, sipas dëshirës
Përgatitja:
Shtype bananen me pirun dhe përzieje me vezën dhe kosin. Shto tërshërën, kanellën dhe vaniljen dhe përzieji mirë.
Prit kumbullat në copa të vogla dhe shtoji në masë. Hidheni përzierjen në një enë të vogël për pjekje dhe sipër vendos edhe disa copa kumbulle.
Piqe në furrë të parangrohur në 180°C për rreth 20–25 minuta, derisa të marrë pak ngjyrë.
Mund të shërbehet e ngrohtë ose e ftohtë, me pak kos sipër.
