Të premten më fillim nga ora 20:00, në emisionin “Takim virtual me Shëndritin”, do të jetë i ftuar urologu Fahredin Veselaj.

Veselaj studimet Bachelor i kreu në Fakultetin e Mjekësisë, në Universitetin e Rijekës në Kroaci, në vitin 1994. Titullin “Magjistër i shkencave mjekësore” Veselaj e mori në vitin 2006, pasi i vijoi studimet më të avancuara në Universitetin e Prishtinës e në Fakultetin e Mjekësisë, ndërsa doktoroi në po të njëjtin institucion në vitin 2015.

Veselaj gjithashtu ka një numër të konsiderueshëm të publikimeve shkencore nëpër shumë revista prestigjioze shkencore.

Me të ftuarin në studio do të diskutohet për infeksionet e traktit urinar. Shikuesit që kanë pyetje për temën në fjalë, këtë mund ta bëjnë duke u orientuar në faqen “Familja Jonë” në Facebook dhe Instagram, ose edhe gjatë kohës kur emisioni është duke u zhvilluar në mënyrë të drejtpërdrejtë, në hapësirën për komente.

Ndryshe nga herët e kaluara, tash e tutje emisioni do të transmetohet drejtpërdrejt edhe në kanalin e Youtube.

Për shumcka në lidhje me infeksionet e traktit urinar, ndiqeni emisionin të premten më fillim nga ora 20:00, drejtpërdrejt në Facebook dhe Youtube.