Qendra për Informim, Kritikë dhe Aksion – QIKA, me një aksion simbolik para Qeverisë së Kosovës – “Peceta nuk është luks”, ka kërkuar heqjen e menjëhershme të TVSH-së dhe tarifave doganore për produktet menstruale, raporton Ekonomia Online.

Një ditë më parë, një grup prej 71 organizatash të shoqërisë civile, në bashkëpunim me QIKA-n, i kanë bërë thirrje Ministrisë së Financave për heqjen e menjëhershme të TVSH-së për këto produkte.

Kjo nismë synon të ulë barrën financiare për gratë dhe vajzat, duke e konsideruar qasjen në produkte menstruale si një nevojë bazike, e jo luks.