Në ndërtesën e Qeverisë së Kosovës është vendosur flamuri italian në shenjë solidarizimi për situatën në të cilën ndodhet ky shtet tani dhe viktimat atje nga koronavirusi.
Këtë veprim e ka ndërmarrë vetë qeveria e Kosovës pasi u raportua në medie se vetëm këto dy ditë shifrat e të vdekurve në shtetin italian janë afër 400.
“Italia sot feston Ditën e Bashkimit. Në 159- vjetorin e saj, Italia gjendet përballë një armiku me të cilin ajo dhe i gjithë globi do të triumfojë. Qytetarët e Kosovës i janë falënderues përherë shtetit tonë mik dhe gjithsecili prej nesh bashkëndjen me ta”, thuhet në komunikatë për media.