Menaxhimi i urtikarisë, që ndryshe njihet si inflamacion i lëkurës pasi trupi ynë kontakton me një sipërfaqe të jashtme, nuk është gjithmonë i lehtë, prandaj duhet të bisedoni në detaje me dermatologun tuaj për problemet që keni.

Tri gjëra që duhet patjetër të fliten me doktorin janë: simptomat e pakontrollueshme të urtikarisë (nëse i përjetoni), pamundësia e ndjekjes së planit për trajtim dhe ndryshimet e disponimit.

• Simptomat e pakontrollueshme të urtikarisë

Kjo sëmundje e lëkurës në disa raste di të bëhet e bezdisshme. Si shkas i paraqitjes së “rripave” të kuq në lëkurën tuaj, ndjesia e kruarjes mund të jetë e pakontrollueshme dhe mund të ju lërë pa gjumë, shkruan CNN.

Nëse e shihni që menaxhimi i këtyre simptomave po bëhet i pamenaxhueshëm, lajmërojeni dermatologun dhe ai do ua mundësojë një trajtim më të detajuar dhe specifik për këtë sëmundje.

• Pamundësia e ndjekjes së planit për trajtim të urtikarisë

Menaxhimi i këtij problemi të lëkurës kërkon zbatimin e një plani strikt, por nëse kjo nuk funksionon, duhet ta lajmëroni domosdoshmërisht doktorin tuaj.

Jini të sinqertë me doktorin. Nëse plani i parë nuk funksionon, në pajtim me ju, ai mund t’ua ndryshojë regjimin e trajtimit.

• Ndryshimet e gjendjes emocionale

Shpesh personat që kanë problemin e urtikarisë manifestojnë nivele te larta të stresit.

Kjo lidhje në mes të shqetësimeve të lëkurës dhe stresit është vërtetuar edhe shkencërisht, prandaj konsultimi me mjekun është i pashmangshëm.

Të jetosh më këtë problem është e vështirë, por me një seriozitet të duhur dhe një kontakt i rregullt me mjekun tuaj do të japë efektet e veta pozitive. /familjajone