Të zgjohesh në mes të natës e të shohësh që jastëku, çarçafët e rrobat janë bërë qull në djersë, nuk është shenjë paralajmëruese e një sëmundjeje të vetme , por e disa problemeve shëndetësore.

Nuk po flasim për rastet kur temperatura e dhomës është shumë e lartë, apo ju jeni mbuluar trashë, pasi është normale që ju të djersiteni , por kur ambienti i dhomës është më se normal dhe ju zgjoheni qull në djersë.

Menopauza 

Gjatë kësaj periudhe kalimtare femrat përjetojnë afshe të nxehta dhe shpesh ndodh që gjatë natës gjumi t’u dalë nga këto të fundit.

Teprimi me alkoolin – është gjithashtu një arsye përse dikush mund të zgjohet në djersë. Nxjerrja e alkoolit jashtë nga organizmi bën që trupi juaj të mbulohet me bulëza djerse, pasi toksinat janë liruar nga trupi.

Sëmundjet kardiovaskulare

Pas të 50-ave njerëzit janë më tepër të rrezikuar të preken nga sëmundjet kardiovaskulare. Edhe nëse nuk vuani apo nuk kuroheni për këtë sëmundje nëse për shumë netë me rradhë jeni zgjuar të djersitur duhet të bëni një kontroll tek kardiologu. Djersitja natën është shenjë e sëmundjeve të zemrës

Hipoglicemia

Nëse ju vuani nga niveli i ulët i sheqerit mund të ndodhë që të zgjoheni natën të djersitur.

Trupi juaj është duke luftuar një infeksion

Në qoftë se trupi juaj është duke luftuar kundër një sëmundjeje apo infeksioni, kjo gjendje mund të shkaktojë djersitje natën. Kjo gjë mund të vazhdojë për ditë ose edhe javë dhe pse simptomat e tjera mund të jenë zhdukur.

Vuani nga tiroidet 

Djersitja natën është një simptomë e zakonshme për ata që vuajnë nga hiperaktiviteti i tiroideve.

Disa medikamente të caktuara mund të shkaktojnë djersitje

Djersitja natën mund të jetë një efekt anësor i shumë barnave. Ilaçet kundër depresionit e ato të diabetit janë në krye të kësaj liste.

Sistemi juaj imunitar është duke mos funksionuar

Çrregullimet autoimune janë gjendjet kur sistemi imunitar gabimisht identifikon diçka normale si një rrezik për shëndetin. Këto sëmundje mund të shkaktojnë djersitje të tepërt natën.

Djersitja është një funksion i rëndësishëm për sigurimin e baraspeshës së nxehtësisë trupore. Por djersitja e tepërt është bezdisëse si dhe paralajmëruese e disa sëmundjeve. Këto sëmundje mund t’i identifikoni përmes disa testeve që mund t’i bëni.

Sëmundjet tjera  që mund të jenë shkaktar i djersitjes së tepërt janë:

Hipertiroidi

Diabeti

Hipoglikemia (mungesa e sheqerit)

Feokromacitoma

Sindroma Cushing

Obeziteti

Ju mund t’i parandaloni pasojat shëndetësore duke i përcjellë disa metoda të thjeshta që e lehtësojnë tretjen.

Për shëndetin tuaj, ndiqni  disa metoda të thjeshta por efektive, të përshkruara si në vijim:

Përtypeni mirë kafshatën, para se ta gëlltisni

Mos u ulni para televizorit apo kompjuterit gjatë ushqimit

Përpiquni të mos pini ujë gjatë ushqimit

Përdorni erëza në ushqimet që i hani

Mos bëni dietë pa yndyrë

Përdorni probiotikë

Çdo ditë dilni për shëtitje. /Familja Jonë