Këndimi nuk është vetëm një aktivitet artistik, por mund të jetë edhe një mënyrë për të krijuar lidhje shoqërore dhe për të përmirësuar mirëqenien emocionale.

Studimet shkencore sugjerojnë se pjesëmarrja në kore dhe aktivitete të përbashkëta muzikore mund të forcojë ndjenjën e përkatësisë dhe të ndihmojë në luftimin e izolimit shoqëror.

Një studim i publikuar në vitin 2025, në revistën shkencore International Journal of Community Music, shqyrtoi ndikimin e këndimit në grup te të moshuarit. Rezultatet treguan se pjesëmarrja në kore komunitare për gjashtë muaj ndihmoi në uljen e ndjenjës së vetmisë dhe rritjen e interesimit për jetën.

Edhe një hulumtim i Universitetit të Queensland në Australi, i realizuar me studentë ndërkombëtarë, gjeti se pjesëmarrja në një kor universitar mund të forcojë ndjenjën e përkatësisë dhe të përmirësojë mirëqenien.

Sipas studiuesve, rëndësi nuk ka vetëm muzika, por edhe mundësia për të takuar njerëz, për të bashkëpunuar dhe për të qenë pjesë e një komuniteti.

Kjo tregon se ndonjëherë, për të krijuar lidhje të reja, nuk na duhet domosdoshmërisht një bisedë e gjatë. Mund të mjaftojë edhe një këngë e kënduar së bashku.