Pre, Maj 7, 2021
Banner Top
Banner Top
5 Problemet shëndetësore që e qara mund t’ju ndihmojë të zgjidhni

Gratë në SHBA qajnë rreth 3.5 herë në muaj, ndërsa burrat derdhin lot rreth 1.9 herë në muaj, sipas të dhënave. Sidoqoftë, shoqëria shpesh e sheh të qarën si një shenjë dobësie. 

Por nëse ju vie të qani, mos i mbani lotët. Ata me të vërtetë kanë më shumë përfitime shëndetësore nga sa mendojmë.

Ky artikull sjell disa nga përfitimet shëndetësore të të qarit.

1. Stresi

Një studim zbuloi se të qarat mund t’i ndihmojnë njerëzit të pushojnë gjatë kohës stresuese. Rezultatet e të qarit nuk janë të menjëhershme, dhe mund të duhen disa minuta para se trupi të fillojë të qetësohet.

Sipas studiuesve, e qara aktivizon sistemin nervor parasimpatik (PNS). Kur aktivizohet, PNS ka një efekt qetësues në tru.

2. Tensioni i gjakut

Presioni i lartë i gjakut mund të çojë në disa çështje serioze shëndetësore si sulm në zemër, çmenduri dhe madje edhe dështim të veshkave. Por lajmi i mirë është se sipas disa studimeve, e qara jo vetëm që ul tensionin e gjakut dhe e mban atë kontroll, por mund të stabilizojë edhe pulsin.

3. Akumulimi i toksinave

Lotët që rrjedhin nga sytë tuaj ndërsa qani mund të pastrojnë mbeturinat, si tymi dhe pluhuri nga sytë. Gjithashtu, kur qajmë, lotët tanë largojnë toksinat që grumbullohen në trup për shkak të stresit. Kjo heqje e toksinave ndihmon në uljen e niveleve të kortizolit në trup, duke rezultuar kështu në një gjendje shpirtërore më të lehtë. Prandaj, nuk është për t’u habitur që ne shpesh ndiejmë një lehtësim të shpirtit pasi qajmë.

4. Lëkundjet e humorit

Nëse po pyesni veten pse sjellja juaj është bërë agresive dhe vazhdoni të ndjeheni të shqetësuar dhe irrituar kohët e fundit, atëherë duhet të dini që nuk mund të ketë përgjigje përfundimtare. Lëkundjet e humorit mund të ndodhin për arsye të ndryshme. Një arsye e tillë është akumulimi i manganit në trup.

Kur qajmë, ky mangan i tepërt rrjedh nga trupi së bashku me lotët tanë. Kjo zvogëlon përqendrimin e tij në trup, dhe, si rezultat, ju bën të ndjeheni të qetë dhe të përqendruar.

5. Dhimbje

Kur kemi dhimbje fizike, disa lot shpesh shpërthejnë në mënyrë të pavullnetshme. Kjo është mënyra e trupit për të zvogëluar ndjesinë e dhimbjes. Hulumtimet kanë zbuluar që përveç të qenit qetësues, duke derdhur lotë emocional çliron oksitocinën dhe endorfinat. Këto kimikate i bëjnë njerëzit të ndjehen mirë dhe gjithashtu mund të lehtësojnë dhimbjet fizike dhe emocionale.

Mos harroni se lotët mund të derdhen si për shkak të dhimbjes ashtu edhe lumturisë./Familja Jonë 

0 Comments

Leave a Comment

Arkiva

Kategoritë