Hekuri është një mineral jetik për funksionimin e duhur të hemoglobinës, një proteinë e nevojshme për të transportuar oksigjenin në gjak.

Mungesa e hekurit në gjak mund të çojë në një sërë problemesh serioze shëndetësore, duke përfshirë aneminë nga mungesa e hekurit.

Rreth 10 milionë njerëz në Shtetet e Bashkuara, kanë nivele të ulëta hekuri dhe afërsisht 5 milionë prej tyre janë diagnostikuar me anemi të mungesës së hekurit.

Fakte të shpejta mbi hekurin:

– Shtesa e rekomanduar ditore (RDA) ndryshon midis moshës, por gratë që janë shtatzënë ju nevojitet dozë më e lartë.

– Hekuri promovon shtatzëni të shëndetshme, rritje të energjisë dhe performancë më të mirë atletike. Mungesa e hekurit është më e zakonshme tek atletet femra.

– Mbidozimi me hekur mund të rrisë rrezikun e kancerit të mëlçisë dhe diabetit.

Marrja e rekomanduar

Doza e rekomanduar ditore (RDA), për hekurin elementar varet nga mosha dhe gjinia e një personi. Vegjetarianët gjithashtu kanë kërkesa të ndryshme për hekur.

Bebet:

0 deri në 6 muaj: 0,27 miligramë (mg);

7 deri në 12 muaj: 11 mg;

Fëmijët:

1 deri në 3 vjet: 7 mg;

4 deri në 8 vjet: 10 mg;

Meshkujt:

9 deri në 13 vjeç: 8 mg;

14 deri në 18 vjeç: 11 mg;

19 vjeç e lart: 8 mg;

Femrat:

9 deri në 13 vjeç: 8 mg;

14 deri në 18 vjeç: 15 mg;

19 deri në 50 vjeç: 18 mg;

51 vjeç e lart: 8 mg;

– Gjatë shtatzënisë: 27 mg.

– Gjatë laktacionit në moshën mbi 19 vjeç: 9 mg.

Suplementet e hekurit mund të jenë të dobishme kur njerëzit e kanë të vështirë të marrin mjaftueshëm hekur vetëm përmes masave dietike, si për shembull në një dietë me bazë bimore.

Përfitimet shëndetësore

Hekuri ndihmon në ruajtjen e shumë funksioneve jetësore në trup, duke përfshirë energjinë dhe fokusin e përgjithshëm, proceset gastrointestinale, sistemin imunitar dhe rregullimin e temperaturës së trupit.

Anemia nga mungesa e hekurit mund të shkaktojë lodhje, rrahje të zemrës, lëkurë të zbehtë dhe gulçim.

Shtatzënia e shëndetshme

Vëllimi i gjakut dhe prodhimi i qelizave të kuqe të gjakut rriten në mënyrë dramatike gjatë shtatzënisë për të furnizuar fetusin në rritje me oksigjen dhe lëndë ushqyese.

Si rezultat, rritet edhe kërkesa për hekur. Ndërsa trupi zakonisht maksimizon përthithjen e hekurit gjatë shtatzënisë, marrja e pamjaftueshme e hekurit ose faktorë të tjerë që ndikojnë në mënyrën e përthithjes së hekurit mund të çojnë në mungesë hekuri.

Marrja e ulët e hekurit gjatë shtatzënisë rrit rrezikun e lindjes së parakohshme dhe peshës së ulët të lindjes.

Gratë shtatzëna me nivel të ulët hekuri mund të jenë më të prirura ndaj infeksionit sepse hekuri gjithashtu mbështet sistemin imunitar.

Energjisë

Hekuri i pamjaftueshëm në dietë mund të ndikojë në efikasitetin me të cilin trupi përdor energjinë.

Mes tjerash, hekuri transporton oksigjen në muskuj dhe tru dhe është thelbësor për performancën mendore dhe fizike.

Nivelet e ulëta të hekurit mund të rezultojnë në mungesë fokusi, rritje të nervozizmit dhe reduktim të qëndrueshmërisë.

Performancë më e mirë atletike

Mungesa e hekurit është më e zakonshme tek atletet, veçanërisht tek atletet e reja, sesa tek individët që nuk udhëheqin një mënyrë jetese aktive.

Kjo duket të jetë veçanërisht e vërtetë për atletet femra të qëndrueshmërisë, siç janë vrapueset në distanca të gjata.

Disa ekspertë sugjerojnë që atletet femra të qëndrueshmërisë duhet të shtojnë një shtesë prej 10 mg të hekurit elementar në ditë.

Mungesa e hekurit tek atletët ul performancën atletike dhe dobëson aktivitetin e sistemit imunitar./Medical News Today