Ass.Dr.Sci. Visar Disha
Specialist i Protetikes Stomatologjike
Specialist i Ortodoncisë dhe Ortopedisë së Nofullave
tel. +38344559287
A ka vërtet një moshë të duhur për të filluar të mendoni për ndjekjen e trajtimeve kozmetike?
Një nga pyetjet më të zakonshme të kozmetikës është “kur duhet të fillojë?”
Efektet e procesit të plakjes ndryshojnë nga personi në person. Shumë faktorë si gjenetika, dieta, ushtrimet e rregullta, pushimi i duhur dhe historia e ekspozimit në diell mund të ndikojnë në mënyrën se si lëkura jonë plaket.
Nëse po kërkoni një filler dermal për të luftuar shenjat e plakjes, mesi i të 30-ave është shpesh një kohë e mirë për të filluar. Trupi juaj fillon të humbas elastinën dhe kolagjenin rreth moshës 26 vjeçare, kështuqë është një kohë e mirë për të filluar injeksionet e mirëmbajtjes. Duke filluar herët, do të përdorni më pak produkt sesa nëse prisni deri në mesin e të 50-tave, si dhe do të ruani një pamje natyrale dhe të freskët me kalimin e viteve.
Cilat janë “Shenjat paralajmëruese” të plakjes?
- Vijat tuaja të të qeshurit
Nëse keni vënë re ndonjëherë linjat që shfaqen në anën e hundës dhe gojës tuaj kur buzëqeshni ju keni parë linjat tuaja të të qeshurit. Të gjithë i kanë dhe normalisht nuk ka asgjë për t’u shqetësuar; megjithatë, nëse ato linja janë ende të dukshme, edhe kur fytyra juaj është në qetësi, atëherë mund të filloni trajtimin me filler dermal.
- Keni vënë re më pak mbushje në faqet tuaja
Kur jemi të rinj, të gjithë kemi ind dhjamor në fytyrën tonë që ju japin faqeve një pamje të plotë. Megjithatë, me kalimin e moshës, këto “jastëkë” fillojnë të ulen dhe bien, duke e lënë fytyrën tuaj me një pamje të zbrazët dhe duke u dukur më e vjetër se sa që jeni. Nëse i vëreni këto ndryshime në fytyrën tuaj, fillerët dermal mund të jenë një zgjedhje e mirë për ju. Fillerët dermal mund të ju ndihmojnë të riktheni një pamje të plotë dhe rinore në faqet tuaja.
- Vijat e marionetave kanë filluar të shfaqen në fytyrën tuaj!
– Nuk jeni të sigurt se cilat janë linjat e marionetës! Ato janë linjat ose rrudhat që shkojnë nga cepat e gojës deri te skajet e mjekrës. Fillerët dermal mund të ndihmojnë shumë në zvogëlimin e pamjes së tyre, duke ju bërë të dukeni më të reja/rinj.
- Lëkura e nofullës tuaj ka filluar të varet poshtë
Askujt nuk i pëlqen të mendojë se po i ndodh kjo. Lëkura e varur është një pjesë normale e procesit të plakjes dhe shkaktohet nga një kombinim i gravitetit dhe humbjes së elasticitetit në lëkurë. Fatkeqësisht, sapo kjo lëkurë delikate të ketë filluar të ulet, nuk ka asnjë pilulë magjike, dietë të veçantë, ushtrim, krem apo serum që mund t’i eliminojë ato. Megjithatë, fillerët dermal mund të ndihmojnë për të ngritur lëkurën e varur dhe për të rikthyer përkufizimin në nofullën tuaj.
- Dukeni vazhdimisht më të lodhur se sa ndiheni?
Edhepse bëni gjumë të rehatshëm rrudhat dhe lëkura e varur ende mund t’ju bëjnë të dukeni vazhdimisht të lodhur, dhe shpesh edhe më të vjetër se sa jeni në të vërtetë. Fillerët dermal mund ti trajtojnë këto rrudha, dhe t’ju bëjnë të dukeni të freskët dhe madje edhe më të shëndetshëm.
- Kur procedurat më pak invazive nuk funksionojnë më!
Çelësi për një lëkurë më të re është të filloni herët; në fund të fundit, parandalimi është gjithmonë më i lehtë se kurimi. Duke filluar nga të 30-at tuaja, duhet të përqendroheni në një rutinë solide të kujdesit të lëkurës duke përdorur produkte cilësore. Ndërsa filloni të vëreni papërsosmëri të vogla, të tilla si vija të holla rreth syve ose në ballë, ka procedura jo invazive që mund të veprojnë si një zgjidhje e lehtë dhe e shpejtë. Serumet kundër plakjes ose trajtimet e lëkurës, të tilla si peeling kimik, të gjitha mund të ndihmojnë në ngadalësimin e plakjes. Megjithatë, me kalimin e kohës, këto lloje produktesh dhe procedurash përfundimisht mund të dështojnë të japin nivelin e rezultateve që po kërkoni. Kur kjo ndodhë, mund të jetë koha që të filloni me fillerët dermal.
- Përmirësoni buzët tuaja
Nëse keni buzë të holla ose asimetrike, fillerët dermal mund të përdoren për të përmirësuar përkohësisht simetrinë e gojës suaj. Ato gjithashtu mund të shtojnë volum buzëve që janë holluar me kalimin e kohës.
- Jeni të pakënaqur me pamjen tuaj fizike!
Një nga përfitimet nga fillerët dermal është se ata mund t’ju bëjnë të dukeni më të rinjë dhe të ndiheni më të sigurt me pamjen tuaj.
Mesazhi im
Parandalimi është çelësi!
Duke i trajtuar me kohë rrudhat dhe linjat në fytyrë ju ndihmon të dukeni më të freskët, më të rinj dhe me vetëbesim më të madh me pamjen tuaj. /Telegrafi/
