Një në tre të rritur në Sh.B.A ka presion të lartë të gjakut, sipas Qendrave për Kontrollin dhe Parandalimin e Sëmundjeve. Kjo do të thotë që forca e shtytjes së gjakut kundër mureve të arterieve të tyre është shumë e lartë, gjë që mund të dëmtojë arteriet dhe të rrisë rrezikun e sulmit në zemër, goditjeve në tru, dhe dështimin e veshkave.

Ka dy mënyra për të ulur presionin e gjakut: ndryshimet e jetesës dhe medikamentet.

Ndërsa disa njerëz mund të ulin presionin e gjakut vetëm me ndryshime në stilin e jetës, të dy qasjet janë komplementare.

“Menaxhimi i presionit të gjakut është 70%  stil jetes edhe 30% medikamente. Nëse nuk bëni ndryshime në stilin e jetës, mos u lodhni të merrni ilaçe, sepse ata nuk do të funksionojnë në mënyrë efektive”, thotë kardiologu parandalues, Luke Laffin, MD.

Më poshtë mund të shihni pesë metoda të cilat kanë rezultuar efektive në studimet klinike.

Ja se çfarë duhet të bëni:

1. Hani më pak kripë

2. Konsumoni më shumë kalium

3. Humbni peshë

4. Kufizoni përdorimin e alkoolit

5. Bëni aktivitet fizik.

Doktor Laffin shton dy rekomandime që ai mendon se janë të rëndësishme, por që kanë më pak prova të ndikimit të drejtpërdrejtë në presionin e gjakut.

Mos pini duhan. “Ne e dimë se pirja e duhanit dëmton rreshtimin e enëve të gjakut, ashtu si edhe presionin e lartë të gjakut, kështu që është e arsyeshme që të mos pini duhan,” thotë ai.

PBëni gjumë të mjaftueshëm. “Ne sapo kemi filluar të kuptojmë se sa i rëndësishëm është gjumi. Marrja e gjashtë deri në tetë orë gjumë të pandërprerë një natë mund të parandalojë presionin e lartë të gjakut dhe luhatjen e tij, që ne tani e dimë është po aq e rrezikshme sa presioni i lartë i gjakut, “thotë ai./Familja Jonë