Organizata Botërore e Shëndetësisë (OBSH) njoftoi të mërkurën se aktualisht nuk ka prova shkencore të qarta që të konfirmojnë një lidhje të mundshme midis autizmit dhe përdorimit të paracetamolit gjatë shtatzënisë.

Në këtë moment, nuk është vendosur asnjë lidhje konsistente midis autizmit dhe përdorimit të paracetamolit, tha OBSH në një deklaratë.

Presidenti i SHBA-së, Donald Trump, të hënën lidhte autizmin me përdorimin e vaksinave te fëmijët dhe marrjen e ilaçit të njohur kundër dhimbjeve, Tylenol, nga gratë gjatë shtatzënisë, duke ngritur pretendime që nuk mbështeten nga dëshmi shkencore dhe duke i vendosur ato në qendër të politikës shëndetësore në SHBA. /Reuters/