Kërkimet e reja hedhin dritë mbi efektin e kafesë në mikrobiotën e zorrëve. Gjithnjë e më shumë hulumtime po shpalosin përfitimet shëndetësore të pirjes së kafesë. Pirja e vetëm një filxhani mund të luftojë yndyrën jo të shëndetshme, të lehtësojë inflamacionin e shoqëruar me mbipeshë, apo edhe të mbrojë trurin në pleqëri.

Për më tepër, pirja e të paktën tre filxhanave kafe çdo ditë mund të mbajë arteriet të shëndetshme dhe duke parandaluar një ngritje të kalciumit dhe duke hequr rrezikun e bllokimit.

Kafeja gjithashtu mund të ndihmojë në luftimin e diabetit duke përmirësuar kontrollin e sheqerit në gjak dhe mund ta mbrojë mëlçinë.

Por sesi saktësisht jep kafeja të gjitha këto përfitime të mrekullueshme shëndetësore ka mbetur disi mister. Hulumtimi i ri qet pak dritë në mekanizmat që ndikojnë në efektet e kafesë duke shikuar lidhjet midis kafesë dhe shëndetit të mikrobiotës së zorrëve.

“Rolet e dobishme të konsumit të kafesë në sëmundjet metabolike janë treguar qysh më pare. Ne kemi vendosur të shqyrtojmë nëse ‘kafeina’ fitokimike në kafe do të përbënte këtë efekt të dobishëm”, tha Dr. Jiao.

Dr Jiao dhe ekipi shikuan “lidhjen midis konsumit të kafeinës si dhe përbërjes dhe strukturës së mikrobiotës kolonike-zorrëve.”

Për ta bërë këtë, shkencëtarët u kërkuan 34 pjesëmarrësve që t’i nënshtrohen një kolonoskopie ekzaminimi dhe endoskopie për të konfirmuar shëndetin e kolonave të tyre.

Studiuesit morën 97 “biopsi të mukozës kolonike të ngrirë”, nga segmente të ndryshme të koloneve të këtyre individëve, nxorën ADN mikrobike dhe kryen analizën e sekuencave të rRNA të 16s.

Pjesëmarrësit iu përgjigjën një pyetësori të vetë-administruar të frekuencës ushqimore për të vlerësuar konsumimin e përditshëm të kafesë. Ekipi e ndau konsumimin e kafesë në konsumin e lartë të kafesë – domethënë të paktën 82.9 miligram (mg) në ditë – dhe konsumin e ulët, domethënë më pak se 82.9 mg në ditë.

Analizat zbuluan se konsumatorët e lartë të kafeinës kishin nivele të larta të gjinisë bakteriale Faecalibacterium dhe Roseburia, por nivele të ulëta të Erysipelatoclostridium – një gjini bakteriale “potencialisht e dëmshme”.

Edhe pse është një pjesë e një zorre normale të shëndetshme, nivelet e tepërta të Erysipelatoclostridium ramosum (E. ramosum) mund të jenë të dëmshme. Studimet e mëparshme te njerëzit kanë lidhur E. ramosum me sindromën metabolike, dhe studimet e kafshëve gjetën lidhje me “rregullimin e glukozës së zorrëve të vogla dhe transportuesit e yndyrës”, të cilat rritën obezitetin e shkaktuar nga dieta.

Për më tepër, studiuesit e këtij studimi aktual gjetën nivele më të larta të baktereve të tjera tek konsumatorët e lartë të kafesë. Këto baktere përfshijnë Odoribacter, Dialister, Fusicatenibactor, Alistipes, Blautia dhe Lachnospiraceae.

Autorët erdhën në një përfundim:

“Konsumimi më i lartë i kafeinës shoqërohej me pasuri të shtuar dhe njëtrajtshmëri të mikrobiotës së zorrëve të lidhura me mukozën, dhe bollëk relativisht të lartë të baktereve anti-inflamatore, të tilla si Faecalibacterium dhe Roseburia dhe nivele më të ulëta të Erysipelatoclostridium potencialisht të dëmshëm.”

Doktor Jiao komentoi edhe pikat e forta dhe kufizimet e hulumtimit. Fakti që studimi ekzaminoi mikrobiomën e zorrëve të lidhura me mukozën, e largoi atë nga shumica e studimeve, të cilat përqendrohen në mikrobiomën e fekaleve, tha ajo.

Sidoqoftë, ajo paralajmëroi se, “studimi u krye në 34 burra të rritur që kishin [një] zorrë normale në një spital të vetëm. Nuk dihet nëse këto rezultate paraprake mund të zbatohen për gratë ose popullsitë e tjera.”

Për më tepër, tha Dr. Jiao shton “Ne kemi përdorur renditjen e gjeneve 16S rRNA që nuk mund të tregojnë se cilat specie bakteriale janë të rëndësishme”.

“Ne kemi nevojë për të mësuar më shumë rreth ndërveprimit midis mikrobiomës së mikpritësit dhe zorrëve në popullata të ndryshme,” shtoi Dr. Jiao.

“Më shumë kërkime janë të nevojshme për të kuptuar se çfarë bëjnë këto baktere (të tilla si Alistipes) në trupin tone”./Familja Jonë