Nga fillimi i vitit 2024 e deri më sot në komunën e Malishevës janë regjistruar 170 raste të pickimit nga rriqrat.

Lajmin e ka bërë të ditur për Front Online drejtori i QKMF-së në Malishevë, Afrim Krasniqi. Ai njoftoi se nuk ka pacientë të hospitalizuar.

“170 raste kanë qenë që kanë kërkuar ndihmë mjekësore për pickimin e rriqrave që nga fillimi i vitit nuk ka persona të hospitalizuar”, deklaroi Krasniqi.

Ndërsa, drejtori i Shëndetësisë në Komunën e Malishevës, Hajdin Berisha, në një prononcim për Front Online ka njoftuar se a ka filluar dezisenktimi kundër rriqrave.

Berisha deklaroi se procesi ende s’ka filluar dhe pritët të filloj gjatë muajit maj.

Ai ka bërë të ditur edhe masat që kanë marr.

“Masat i kemi ndërmarr janë hapur procedurat në prokurorim për me përzgjedh operatorin për dezisenktimit, stafi në QKMF është i mobilizuar mbahet evidencë për çdo ditë gjithçka është nën kontroll. Nga gjysma e muajit maj, varësisht nga kushtet atmosferike duhet të fillojmë me dezisenktim”, vlerëson Berisha.

Vetëdijesimi për mbrojtën e pickimit nga rriqrat nuk mungon, thotë Berisha.

“Ata që pickohet ju hiqet rriqni dhe udhëzohen nga mjekët në QKMF si të veprojnë tutje. Në aspektin e vetëdisimit janë shumë mirë të informuar se si duhet të mbrohen”, përfundoi Berisha.

Infektologu Hamdi Ramadani tregon rrezikun nga pickimi i rriqrave

Për pasojat dhe simptomat nga pickimi i rriqrave është prononcuar për Front Online, infektologu Hamdi Ramadani.

Ramadani ka thënë se shfaqja e rriqrave shfaqet gjatë muajve maj, qershor e korrik.

“Paraqitja e kësaj sëmundje është infektive-akute. Ju e dini se këto rriqra shfaqën në ambiente të jashtme dhe shfaqën në temperatura të larta, në muajin maj, qershor dhe korrik. Këto kanë dy karakteristika: edhe pse e thumbon personin në fjalë, ato nuk paraqesin ndonjë rrezik, përveç asaj se e lëndojnë lëkuren, edhe aty personi që është pickuar duhet ta bëjë menjëherë pastrimin e lëkurës dhe kjo bëhet në vende të ekspozuara në duar, këmbë, qafë dhe duhet bërë dezinfektimi i tyre”.

Infektologu Ramadani në detaje ka treguar se çfarë i ndodh trupit kur pickohet nga rriqra.Këto janë simptomat që kërkojnë shërim të menjëhershëm.

“Në kokën e tyre përmbajnë viruse të ndryshme, që në mjekësi quhen Ethe Hemorragjike, ato e bartin virusin në organizmin e tyre dhe kur ato e pickojnë personin, ajo përveç se e lëndon lëkurën, ajo futet thellë në lëkurën e personit dhe bën thithjen e gjakut, dhe ai virus hynë në gjakun e personit dhe ai përhapet në organet tjera dhe në këto quhet edhe rriqra infektuese. Shfaqen simptoma të përgjithshme, si ethe, temperatura, dhe pas disa dite shfaqën edhe simptoma tjera si gjakderdhje nga hunda, nga organet gjenitale, në këto situata duhet të intervenohet shpejtë, sepse sa më shpejt intervenohet, aq më shpejtë është shërimi”.

Me rritjen e temperaturave, është rritur edhe mundësia që rriqrat të jenë bartëse të virusit që shkakton ethe hemorragjike.Prej vitit 2002, nga ethet hemorragjike në Kosovë kanë vdekur 18 persona vetëm në komunën e Malishevës.