Shpeshherë është shkruar për përfitimet e shumta shëndetësore që sjell karota. Por ajo ka veti që luftojnë edhe kancere të ndryshme.

Një shumëllojshmëri e karotenoideve dietike është treguar se kanë efekte anti-kancerogjene, për shkak të fuqisë së tyre antioksiduese në uljen e radikalëve të lira në trup, njofton Klan Kosova.

Studimet kanë gjetur një lidhje të mundshme midis shujtave të pasura me karotenoide dhe një rrezik më të ulët të kancerit të prostatës, por nevojiten më shumë prova për të konfirmuar nëse lidhja është shkakore.

Kanceri në mushkëri

Karotat përmbajnë beta-karoten. Studimet më herët kanë arritur në përfundimin se plotësimi i beta-karotenit mund të zvogëlojë rrezikun e kancerit të mushkërive.

Një meta-analizë e publikuar në vitin 2008 zbuloi se njerëzit që konsumojnë më shumë karota të një shumëllojshmëri të karotenoideve kishin një rrezik prej 21 për qind më të ulët të kancerit të mushkërive krahasuar me ata që nuk konsumonin.

Kanceri kolorektal

Konsumimi i më shumë beta-karotenit mund të zvogëlojë rrezikun e kancerit të zorrës së trashë, sipas studiuesve që testuan 893 persona në Japoni.

Leukemia

Një studim i vitit 2011 zbuloi se ekstrakti i lëngut të karotës mund të vriste qelizat e leukemisë dhe të pengonte përparimin e tyre.