Më shumë se 1 miliard adoleshentë e të rinj janë potencialisht në rrezik të humbjes së dëgjimit për shkak të përdorimit të kufjeve dhe pjesëmarrjes në ambiente me muzikë me zë të lartë.
Kështu ka ardhur në përfundim një analizë e të dhënave të publikuara në revistën me akses të hapur BMJ Global Health.
Qeveritë në mbarë botën duhet t’i japin përparësi politikave të “dëgjimit të sigurt” për të mbrojtur shëndetin e veshit, thonë studiuesit.
Organizata Botërore e Shëndetësisë (OBSH), vlerëson se mbi 430 milionë njerëz në mbarë botën aktualisht kanë humbje të dëgjimit.
Të rinjtë janë veçanërisht të cenueshëm për shkak të përdorimit të pajisjeve personale të dëgjimit (PLDs), të tilla si telefonat inteligjentë, kufjet, dhe frekuentimi në ambientet e muzikës me zë të lartë, mes zbatimit të dobët rregullator.
Hulumtimet e publikuara më parë sugjerojnë se përdoruesit e PLD shpesh zgjedhin vëllime deri në 105 dB ndërsa nivelet mesatare të zërit në vendet argëtuese variojnë nga 104 në 112 dB, duke tejkaluar nivelet e lejuara (80 dB për të rriturit; 75 dB për fëmijët) edhe nëse për periudha shumë të shkurtra kohore.
Studiuesit vlerësuan gjithashtu numrin global të njerëzve që mund të jenë në rrezik të humbjes së dëgjimit duke marrë parasysh popullsinë globale të moshës 12-34 vjeç në 2022 (2.8 miliardë) dhe vlerësimet më të mira të ekspozimit ndaj praktikave të pasigurta të dëgjimit nga PLD.
Analiza e të dhënave të grumbulluara tregon se mbizotërimi i praktikave të pasigurta të dëgjimit nga përdorimi i PLD dhe frekuentimi në ambiente argëtimi me zë të lartë është i zakonshëm në mbarë botën – respektivisht 24% dhe 48%, midis adoleshentëve dhe të rinjve.
Bazuar në këto shifra, studiuesit vlerësojnë se numri global i adoleshentëve dhe të rinjve që mund të rrezikohen nga humbja e dëgjimit si rezultat varion nga 0.67 në 1.35 miliardë.
“Ka një nevojë urgjente që qeveritë, industria dhe shoqëria civile t’i japin përparësi parandalimit global të humbjes së dëgjimit duke promovuar praktika të sigurta të dëgjimit”. /Medical Xpress
