Ministri i Shëndetësisë, Armend Zemaj, ka folur rreth situatës me pandemi dhe lirimit të masave.

 “Vetëm në këtë periudhë sa jam unë ministër janë bërë diku 6000 analiza, ndërsa për 140 ditë paraprake janë bërë 15 mijë testime. Po pretendojmë të kalojmë dhe në testime masive, që ta kemi nën kontroll të plotë pandeminë deri në eliminimin të tërësishëm të saj”, ka thënë ai.

Ministri Zemaj theksoi se është e vërtet që ka të infektuar me COVID-19, por siç shtoi ai ka dhe rritje të numrit të të shëruarave në vend.