Lëkura përdor dritën e diellit për të ndihmuar prodhimin e vitaminës D, e cila është e rëndësishme për formimin normal të kockave. Por ndonjëherë drita e saj ultravjollcë mund të jetë shumë e dëmshme.

Brenda shtresës epidermale (të jashtme) të lëkurës janë qelizat që përmbajnë melaninën e pigmentit. Melanina mbron lëkurën nga rrezet ultravjollcë të diellit, të cilat mund të djegin lëkurën, dhe me kalimin e kohës, mund të zvogëlojnë elasticitetin e saj dhe të shkaktojnë plakjen më të shpejtë. Nxirja e trupit ndodh sepse ekspozimi ndaj rrezeve të diellit e bën lëkurën të prodhojë më shumë melanin andaj edhe trupi merr ngjyrë.

 Ekspozimi i tepërt ndaj rrezeve ultravjollcë ose UV mund të shkaktojë djegie nga dielli. Rrezet UV depërtojnë në shtresat e jashtme të lëkurës dhe kalojnë në shtresat më të thella, ku ato mund të dëmtojnë ose të vrasin qelizat e lëkurës.

Njerëzit që nuk kanë shumë melaninë djegen me lehtësi andaj duhet të mbrojnë veten duke mbuluar zona të ndjeshme dhe duke kufizuar ekspozimin e tyre në diell në orët 10 dhe 2 paradite.

Ekspozimi i shpeshtë dhe i zgjatur ndaj rrezeve ultravjollcë gjatë shumë viteve është shkaku kryesor i kancerit të lëkurës. Shqyrtoni rregullisht lëkurën për zhvillimin e rritjeve të dyshimta ose ndryshimeve në një lezion të lëkurës ekzistuese.

Zbulimi i hershëm dhe trajtimi janë të rëndësishme në rritjen e shkallës së kurimit për kancerin e lëkurës./Familja Jonë