Tek trupi jonë jetojnë triliona mikroorganizma që formojnë një ekosistem kompeks të quajtur microbiota. Ndonëse të padukshme, këto mikroorganizma ndikojnë në mënyrën se si trupi ynë kryen procesin e tretjes, në imunitetin tonë ,si e bëjmë gjumin e madje edhe në shëndetin tonë mendor. Studiuesit po e zbulojnë gjithmonë e më shumë  lidhjen mes shëndetit fizik dhe atij mendor dhe kjo është ngushtë e lidhur edhe me këtë ekuilibër mikroskopik.

Në anën tjetër, mënyra se si e bëjmë gjumin, ndikon drejtpërdrejt pasi edhe kur flemë microbiota vazhdon të kryejë funksionin sipas ritmeve të veta biologjike dhe kjo ndikon në inflamacion, stress dhe humor. Kur kjo mikrobiotë është e shëndetshme dhe e balancuar, ajo ndihmon në prodhimin e komponimeve që përmirësojnë cilësinë e gjumit dhe ulin nivelet e stresit gjatë natës. Një rol të rëndësishëm luan edhe lidhja e saj me neurotransmetues si serotonina, e cila ndikon në gjendjen emocionale dhe mirëqenien e përgjithshme.

Nga ana tjetër, mungesa e gjumit të mirë prish këtë ekuilibër delikat, duke krijuar një cikël që ndikon negativisht si në trup ashtu edhe në mendje. Për këtë arsye, ekspertët theksojnë rëndësinë e një stili jetese të shëndetshëm që përfshin ushqim të pasur me fibra, konsum të ushqimeve natyrale dhe një rutinë të rregullt gjumi. Ekspozimi ndaj dritës natyrale dhe kufizimi i dritës artificiale gjatë natës janë gjithashtu faktorë kyç për ruajtjen e ritmeve biologjike.

Në fund, gjumi nuk është vetëm një proces pushimi, por një mekanizëm thelbësor që mban në ekuilibër një sistem të tërë biologjik që jeton brenda nesh. Kujdesi për gjumin do të thotë kujdes për shëndetin e mikrobiotës dhe, rrjedhimisht, për shëndetin e përgjithshëm të trupit dhe mendjes.