Sht, Kor 20, 2024
Banner Top
Banner Top
Kjo është 101-vjeçarja që mposhti gripin e derrit, kancerin dhe koronavirusin

Angelina Friedman është gruaja 101 vjeçare që i mbijetoi kancerit, keqtrajtimeve, gjakderdhjeve të brendshme, sepsis, dhe tani jo një por dy pandemive.

101-vjeçarja i mbijetoi gripit në vitin 1918 dhe gjithashtu mposhti koronavirusin.

Administratorja e shtëpisë së pleqve, ku jeton dhe Friedman është shprehur se ajo po gëzon një shëndet të plotë dhe po e shijon jetën e saj sikur asgjë të mos ketë ndodhur.

Vajza e Friedman, Joanne Merola, për CNN tha: “Ajo dhe babai im vuanin nga kanceri në të njëjtën kohë. Ajo mbijetoi, ndërsa ai jo”. Më 1918, Angelina lindi në një anije që po transportonte emigrantë nga Italia për në New York City. Ishte në mes të pandemisë së vitit 1918. Nuk besohet se foshnja u infektua me këtë virus.

Nëna e saj vdiq duke lindur dhe dy motrat e ndihmuan atë të mbijetonte derisa ato të bashkoheshin me babanë e tyre në New York. 11 motrat dhe vëllezërit e saj kanë vdekur dhe është e vetmja që ka mbijetuar. “Ajo ka ADN mbinjerëzore”, tha Merola.

Gjatë një vizite në spital për një procedurë, Angelina mësoi se ishte infektuar me koronavirus.

Vajza e Angelinës u shpreh se ajo u izolua në një dhomë të spitalit për disa javë rresht dhe në datën 20 prill ajo rezultoi negativ me koronavirsu.

Youtube

Arkiva

Kategoritë