Spitali i Përgjithshëm i Pejës ka realizuar me sukses 16 ndërhyrje kirurgjikale vetëm gjatë ditës së djeshme, duke dëshmuar edhe një herë përkushtimin e stafit mjekësor ndaj shëndetit të pacientëve.

Përveç operacioneve, gjatë 24 orëve të fundit janë ofruar një sërë shërbimesh të tjera mjekësore, që tregojnë për volumin dhe rëndësinë e punës së përditshme në këtë institucion shëndetësor.

Të dhënat e ditës së djeshme përfshijnë:

• 368 vizita specialistike
• 41 pranime të reja
• 219 pacientë të shtrirë aktualisht
• 3,212 analiza laboratorike për 288 pacientë
• 4 lindje – të gjitha djem
• 25 seanca dialize
• 79 Rëntgen, 50 ultrazëra, 22 CT, 9 MRI, 10 mamografi
• 9 Echokardiografi, 10 gastroskopi, 10 ergometri
• 53 shërbime fiziatrike

Ky aktivitet i dendur i përditshëm është dëshmi e përkushtimit të ekipit mjekësor dhe ndihmës që spitali ofron pa ndërprerje për komunitetin.