Die, Mar 24, 2024
Banner Top
Banner Top
Enjtja e duarve – Çka e shkakton atë?

Ka shumë raste kur përballeni me ënjtjen e shpejtë të duarve, që ndikon jo vetëm në paraqitjen e jashtme por edhe në shëndet. Ënjtja e duarve ndodh si pasojë e akumulimit të lëngjeve në inde. Kjo ndodh nga faktorë të ndryshëm, siç është ndryshimi i temperaturës. Megjithatë, sipas të dhënave të Familja Jonë ënjtja e duarve mund të jetë simptomë e ndonjë problemi të fshehur shëndetësor.

Ënjtja e duarve në mëngjes

Duart duken më të ënjtura në mëngjes sepse qëndrimi shtrirë gjatë natës mund të nxisë akumulimin e lëngjeve në duar.

Ekspertët këshillojnë që t’i vini duart në lëvizje, t’i shtendosni e t’i lëvizni deri sa duart të kthehen në gjendjen e mëparshme.

Ënjtja e duarve si pasojë e motit

Duart enjten më shumë në mot të nxehtë.

Kjo ndodh sepse enët e gjakut zgjerohen në përpjekje për të mundësuar qarkullimin më të shpejtë të gjakut në lëkurë për ta mbajtur atë të freskët.

Në këtë rast, ekspertët këshillojnë që t’i fusni duart dhe kyçet në ujë të ftohtë dhe ato do të shfryhen menjëherë.

Aktiviteti fizik dhe shtatëzania

Përdorimi i duarve gjatë aktivitetit fizik mund të shkaktojë enjtje të tyre.

Kjo ndodh sepse gjatë aktivitetit fizik trupi nxehet.

Ndërkohë gjatë shtatzanisë, ënjtja e këmbëve dhe duarve është një simptomë shumë e zakonshme.

Gratë rekomandohen të veshin rroba të lehta, të kryejnë aktivitet të lehtë fizik dhe të mos rrinë gjatë në këmbë.

 Kripa

Konsumi i tepruar i kripës mund t’i shtyjë qelizat të përthithin sa më shumë lëngje, gjë që nxit enjtjen e duarve.

Ekspertët rekomandojnë konsumin e pakët të kripës, sepse kjo e fundit mund të rrisë tensionin e lartë të gjakut, sëmundjet e veshkave dhe atakun në zemër.

 Artriti

Ënjtja e gjymtyrëve është një nga simptomat më të përhapura të artritit.

Në rastin e kësaj sëmundjeje, duart janë të enjtura dhe të ngurta për një orë në mëngjes.

Ka raste që ënjtja zgjat më shumë se tre ditë ose më shumë se tre herë në muaj.

Familja Jonë rekomandon konsultën me mjekun në rast se enjtjet zgjasin dhe kanë dhimbje. /Familja Jonë

Youtube

Arkiva

Kategoritë