Kiana Kryeziu dhe Drin Koka, studentë të Fakultetit të Edukimit Fizik dhe Sportit të Universitetit të Prishtinës (UP) janë kualifikuar për të marrë pjesë në Lojërat Olimpike Dimërore Milano Cortina 2026.

Fakulteti i Edukimit Fizik dhe Sportit ka përgëzuar studentët dhe ju ka uruar suksese në rrugëtimin olimpik.

“Kjo arritje e madhe nuk është vetëm sukses personal i tyre, por një moment krenarie për familjet e tyre, për Fakultetin tonë dhe për gjithë vendin. Si studentë të Fakultetit të Edukimit Fizik dhe Sportit, ata janë shembull i përkushtimit, disiplinës dhe besimit në ëndrrat e mëdha.” ka shkruar Fakulteti i Edukimit Fizik dhe Sportit.