22 metra dru janë shpërndarë për pesë familje me nevojë nga produksioni “Familja Jonë” dhe grupi i të rinjve “Për familjet me nevojë”.

Drutë janë dërguar për: Një familje në Tërstenik, një familje në Gllobar, një familje në Drenas, një familje në Korroticë dhe një familje në Pejë.

Këto dru janë siguruar nga paratë e donatorit A.B dhe nga shitësi i druve që i ka dhënë dy metra dru falas.

Pos druve, nga produksioni “Familja Jonë” dhe grupi i të rinjve “Për familjet me nevojë” janë shpërndarë edhe dhurata të shumta për shumë fëmijë nëpër fshatrat e Kosovës. Më herët po ashtu janë dhuruar  edhe 20 shtretër dhe 20 dyshekë për familjet skamnore nga këta iniciatorë.

Postimi i plotë i Saranda Bujupi – Ramës, iniciatore e këtij aktiviteti:

Me të hollat e pranuara nga donatori A.B. i kemi blerë 20 metra dru, dhe 2 metra tjera na ka fal shitësi i druve.

22 metra dru i kemi nda në 5 familje:

– Fshatin Tërstenik i kemi dërguara 5 metra, te zonja H.Maloku

– Fshatin Gllobar i kemi dërguar 5 metra, te zonja H.Morina

– Drenas i kemi dërguar 5 metra, te zonja M.Saliuku

7 metrat e mbetur i kemi ndarë në 2 pjesë, dhe do të i dërgojmë 3.5 metra në fshatin Korrotic te zotëri B.Balaj dhe 3.5 metra do të shkojnë në Pejë tek një zonjë me 3 fëmijë.

Falënderoj të gjithë ata që na u janë bashkëngjitur në këtë fushatë Rina Zekës  edhe mu.

E po ashtu faleminderit shumë dr. Halit Bujupi dhe Valbona Buqaj që na keni ndihmuar me i identifiku këto familje skamnore.

Theksojmë që këto familje kanë shumë nevojë edhe për gjëra ushqimore.