Numër i madh i qytetarëve janë drejtuar sot për në sallën “1 Tetori” për t’u vaksinuar kundër COVID-19.

Kosova ka filluar vaksinimin masiv të qytetarëve. Në dy ditët e fundit Kosova ka marrë mbi 180 mijë vaksina anti-COVID të cilat i ka blerë nga Pfizer.

Nga të dhënat e prezantuara të martën nga Ministria e Shëndetësisë bëhet e ditur se deri tash janë vaksinuar 170.098 qytetarë, ndërkaq dozën e dytë e kanë marrë 37.057 persona.