Sot është shëruar edhe një person nga Komuna e Malishevës, i cili ishte i prekur me COVID-19, duke e çuar totalin e të shëruarve në 74 dhe me këtë mbetet vetëm edhe një rast aktiv.

Shërimi i pacientit të 74 është konfirmuar në raportet e komunikimit zyrtar në mes të komunës dhe Institutit Kombëtar të Shëndetësisë Publike, si dhe nga vetë personi i shëruar.

Nënkryetari i Malishevës Hajdin Berisha, u ka bërë thirrje edhe njëherë të gjithë qytetarëve, që pavarësisht heqjes së kufizimit të lëvizjes dhe hapjes së xhamive, të vazhdojnë të jenë të kujdesshëm dhe t’i zbatojnë rekomandimet e institucioneve shëndetësore si mënyra më e mirë për t’u mbrojtur nga koronavirusi.