Shumë njerëz përballen me simptoma si fryrje të barkut, lodhje të vazhdueshme, probleme me tretjen, dhimbje koke apo shqetësime të tjera që shpesh mbeten pa një shpjegim të qartë. Në raste të tilla, specialistët rekomandojnë vlerësime më të detajuara, përfshirë testet e intolerancës ushqimore dhe analizat e mikrobiomës ushqimore.

Në një intervistë për FamiljaJonë, Dr. Luljeta Hetemi tregon se testet e intolerancës ushqimore ndihmojnë në identifikimin e ushqimeve që mund të shkaktojnë reagime të padëshiruara në organizëm. Ndryshe nga alergjitë ushqimore, intolerancat zakonisht shfaqen me simptoma më të lehta, por që mund të ndikojnë ndjeshëm në cilësinë e jetës së përditshme.

Nga ana tjetër, analiza e mikrobiomës ushqimore ofron informacion mbi bakteret dhe mikroorganizmat që jetojnë në zorrë. Balanca e tyre luan një rol të rëndësishëm në tretje, imunitet, metabolizëm dhe madje edhe në shëndetin mendor.

Për më shumë detaje, ndiqni videon poshtë.