Komuna e Malishavës i’u ka bërë thirrje qytetarëve të mos lëvizin pa nevojë për shkak të gjendjes së rënduar pas reshjeve të shiut.

Këtë apel, komuna e ka bërë përmes një postimi në Facebook.

Postimi i plotë:

“Apel: Gjendje e rënduar për shkak të reshjeve – Mos lëvizni pa nevojë

Shtabi Emergjent për menaxhimin e situatave emergjente u bën apel të gjithë qytetarëve të Komunës së Malishevës që të shmangin lëvizjet e panevojshme, për shkak të gjendjes së rënduar të krijuar nga reshjet e pandërprera.

“Shumë rrugë janë bllokuar nga uji si pasojë e rritjes së nivelit të lumenjve dhe përroskave, duke e vështirësuar qarkullimin. Andaj, lusim qytetarët që të mos lëvizin pa nevojë dhe, në rastet kur lëvizja është e domosdoshme, të shfrytëzojnë rrugët alternative.”

Të gjitha ekipet emergjente janë në terren dhe po angazhohen intensivisht për menaxhimin e situatës.”