Loris Castriota Skanderbegh II po qëndron në Kosovë me rastin e ditëlindjes së heroit Gjergj Kastrioti Skenderbe.

Ai dje vizitoi qytete të ndryshme të Kosovës, si dhe sot mori pjesë në organizimin e programit për nder të ditëlindjes së Skenderbeut në Prishtinë.

Këtë e ka bërë të ditur vet ai përmes disa postimeve në facebook.

Atij gjithashtu iu dha edhe mirënjohje.

Më poshtë gjeni postimin për vizitën e qyteteve.

“Sot, me mikun tim Qëndrim Kryeziu, pata kënaqësinë të takoja dy kryetarë të shkëlqyer të qyteteve në Kosovë, të përkushtuar ndaj rritjes së komuniteteve të tyre dhe mirëqenies së qytetarëve të tyre: Ekrem Kastrati i Malishevës dhe Bashkim Ramosaj i Deçanit.

Folëm për projektet e zhvillimit të dy qendrave, ndoshta duke organizuar bashkëpunime me institucione kulturore dhe ekonomike italiane, dhe pashë infrastruktura të bukura, disa të përfunduara tashmë dhe të tjera që do të përurohen së shpejti, por gjithmonë të çmuara për të përmirësuar kushtet e jetesës së banorëve.

Dy kryetarë që punojnë për të mirën e komunitetit: çfarë duhet të bëjë gjithmonë politika e mirë!

Gjithashtu bëra homazhe në varret e të rënëve të UÇK-së në Memorialin Kompleksin Dëshmorët e Kombit të Gllogjanit dhe takova shumë heronj të mbijetuar të asaj lufte që u riktheu lirinë dhe të drejtat shqiptarëve të Kosovës.

Më pritën me të njëjtën ngrohtësi që u rezervohet të afërmve, familja Haradinaj  e cila ka dhënë një sakrificë të jashtëzakonshme në atë luftë dhe që sot nderohet nga mbarë kombi!” shkroi ai.