Federata e Sindikatave të Shëndetësisë së Kosovës (FSSHK), ka njoftuar se ka vendosur që të organizojë një protestë me 14 nëntor para Ministrisë së Shëndetësisë me fillim nga ora 11:00.
Në njoftim thuhet se, ky vendim është marrë për të shprehur mospajtimin me propozimin e qeverisë për një rritje të vogël të koeficientit prej 0.5.
Po ashtu, përmes protestës sipas FSSHK-së do të shprehet edhe pakënaqësia për mosnënshkrimin e Kontratës Kolektive Sektoriale, si dhe për ndërprerjen e dialogut socila me Ministrinë e Shëndetësisë.
