Viktima më e re nga koronavirusi që u shënua sot në Shqipëri.

Një 28 vjeçare shtatzënë ndërroi jetë këtë të martë nga COVID-19 në Shqipëri.

Ngjarja e rëndë ndodhi mëngjesin e sotëm në spitalin e Infektivit, ku ajo ishte e shtruar prej disa ditësh. Familjarët kanë treguar për gazetaren e Neës24, Doriana Bezat, se ajo kishte lindur fëmijën e vdekur, por për shkak të komplikacioneve nuk ka mundur të mbijetojë.

“E reja ishte 5-muajshe shtatzënë. Para një muaji kishte pasur një ndërhyrje në një dhëmballë, pas problemeve, dhe prej asaj kohe ka pasur dhimbje të vazhdueshme koke. Ka shkuar në një klinikë private dhe ka bërë një vizitë për dhimbjet e kokës, ku menjëherë më pas i janë shfaqur edhe problemet me frymëmarrjen. Ajo ka shkuar sërish për vizitë, ku mjeku i ka dhënë mjekim për azëm. Kjo ja ka vështirësuar edhe më shumë gjendjen shëndetësore. Pastaj ajo është drejtuar drejt spitalit Covid-1, ku është trajtuar për një javë. Katër ditët e para ka qenë në dhomat e spitalit, por duke qenë se ishte dhe shtatzënë kishte vështirësi në trajtimin e saj, pasi ilaçet ndikonin te shtatzënia, duke i bërë që fëmija t’i ngjitej lart dhe vajza kishte anoreksi, nuk hante. Për këtë, ajo është futur në operacion për t’i nxjerrë fëmijë nga barku, pasi vështirësohej jeta e të dyve. Dy ditë më parë ajo është futur në operacion, ku fëmija i ka lindur i vdekur”, kanë thënë familjarët./L.F-dritare.net