Është rritur numri i lindjeve gjatë vitit 2025, duke ndikuar në rritjen e performancës në Shërbimin e Obstetrikës dhe Gjinekologjisë, në Spitalin e Përgjithshëm “Sami Haxhibeqiri” në Mitrovicë.

Në vitin 2025 u kryen gjithsej 1716 lindje, me 1744 foshnja të porsalindur, që paraqet numër për 118, më shumë, krahasuar me vitin 2024.

Mjekët gjinekologë gjatë vitit 2025, kanë kryer edhe 5185 vizita mjekësore ambulantore tek pacientet.

Rritja e numrit të lindjeve është shënuar falë punës me përkushtimit nga stafi, besimit të pacientëve, si dhe përmirësimit të shërbimeve mjekësore.

Pas këtij suksesi qëndron puna e palodhshme e gjinekologëve, neonatologëve, mamive, infermierëve dhe gjithë ekipit që 24 orë në ditë, me dije dhe humanitet, kujdesen për nënat dhe foshnjat e porsalindura.

Një falënderim i posaçëm për stafin e këtij spitali të cilët, përveç profesionalizmit, ofrojnë edhe ngrohtësi, qetësi në momentet më të ndjeshme dhe të gëzueshme të jetës së një gruaje.