BBC ka raportuar se një zjarr që ka shpërther në një shtëpi pleqsh në verilindje të Bosnje-Hercegovinës ka lënë të vdekur 1 viktima dhe të paktën 30 të plagosur, sipas autoriteteve.

“Zjarri nisi të martën në mbrëmje në këtë institucion në qytetin e Tuzlës, duke shpërthyer në katin e shtatë pak pas orës 20:45 lokale. Rreth 20 persona u dërguan për trajtim në një qendër mjekësore, duke përfshirë zjarrfikës, policë, punonjës shëndetësorë, stafin dhe banorët e shtëpisë, tha një zëdhënës policie.” ka raportuar BBC.

Sipas BBC, ndërkohë që shkaku i zjarrit nuk ishte menjëherë i qartë, Kryeministri Nermin Nikšić e përshkroi atë si “një katastrofë me përmasa të mëdha”.

Zyrtarët thanë se një hetim i plotë do të kryhej sapo kushtet të lejonin siguri.

Një banore e shtëpisë pleqsh, Ruza Kajiç, tha se jetonte në katin e tretë dhe u zgjua pasi dëgjoi një “tingull të kërcitshëm”.

“Shikova nga dritarja dhe pashë materiale që digjeshin duke rënë nga lart. U hodha në korridor. Në katet e sipërme ka persona të shtrirë në shtrat,” tha ajo për transmetuesin publik BHRT.

Pamjet nga vendi i ngjarjes treguan flakë që dilnin nga dritaret e një kati të sipërm të shtëpisë pleqsh.

Drejtori i shtëpisë, Mirsad Bakalović, tha se njihte të gjithë personat që u përfshinë në zjarr dhe pas asaj që pa gjatë ngjarjes vendosi të japë dorëheqjen.

Kryetari i presidencës tripartite të Bosnje-Hercegovinës, Željko Komšić, shprehu ngushëllime për familjet e viktimave dhe të plagosurit.

Sipas një zëdhënësi të Qendrës Klinike Universitare të Tuzlës, disa pacientë po trajtoheshin për helmim me monoksid karboni, tre prej të cilëve ishin në kujdes intensiv, raportuan mediat lokale. /BBC/