Diarreja është një problem shumë i zakonshëm tek fëmijët më të vegjël se pesë vjeç.
Diarreja përkufizohet si një rritje në numrin e jashtëqitjeve ose prania e jashtëqitjeve më të lëngshme sesa është normale për individin, pra më shumë se tre jashtëqitje çdo ditë.
Diarreja akute është kur diarrea shfaqet për më pak se 3 javë në total. Kur diarreja zgjat më shumë se tre javë, konsiderohet të jetë kronike.
Disa nga arsyet më të zakonshme që fëmijët kanë diarre përfshijnë: infeksioni nga viruse si rotavirusi, bakteret si salmonela dhe, rrallë, parazitë si giardia.
Viruset janë shkaktari më i zakonshëm i diarresë tek fëmijët. Së bashku me jashtëqitjet e shpeshta ose të lëngëshme, simptomat e një infeksioni të gastroenteritit viral shpesh përfshijnë të vjella, dhimbje stomaku, dhimbje koke, temperature, ethe si dhe dehidrim.
Kur trajtoni gastroenteritin viral i cili mund të zgjasë 5-14 ditë – është e rëndësishme të parandaloni humbjen e lëngjeve.
Ofroni qumësht shtesë të gjirit ose një tretësirë rihidruese orale (ORS) për foshnjat dhe fëmijët e vegjël. Vetëm uji nuk ka mjaftueshëm natrium, kalium dhe lëndë ushqyese të tjera për të rihidruar në mënyrë të sigurtë fëmijët shumë të vegjël.
Barnat si laksativët ose antibiotikët gjithashtu mund të çojnë në diarre tek fëmijët dhe të rriturit.
Studimet tregojnë se kosi me kultura të gjalla ose probiotikë mund të ndihmojë në lehtësimin e diarresë të shkaktuar nga antibiotikët.
Helmimi nga ushqimi mund të shkaktojë gjithashtu diarre tek fëmijët.
Simptomat zakonisht shfaqen shpejt, mund të përfshijnë të vjella dhe zakonisht largohen brenda 24 orëve.
Dehidrimi është një nga ndërlikimet më shqetësuese të diarresë tek fëmijët. Diarreja e lehtë zakonisht nuk shkakton humbje të konsiderueshme të lëngjeve, por diarreja e moderuar ose e rëndë mundet.
Dehidrimi i rëndë është i rrezikshëm; mund të shkaktojë konvulsione, dëmtime të trurit, madje edhe vdekje.
Shenjat e dehidrimit janë: marramendja, goja e thatë, ngjitëse, urina me ngjyrë të verdhë të errët, ose shumë pak ose aspak urine, pak ose aspak lot kur qan, lëkura e ftohtë dhe e thatë, mungesa e energjisë.
Diarreja zakonisht largohet brenda pak ditësh, por mund të çojë në komplikime.
Nëse fëmija juaj ka ndonjë nga këto simptoma, mos prisni, kërkoni ndihmën e mjekut: nuk e mbajnë këmbët, është i hutuar ose i trullosur, duket shumë i sëmurë, ka pasur diarre më shumë se tre ditë, është më i ri se 6 muajsh, vjell lëng me ngjyrë të gjelbër ose të verdhë, ka të vjella më shumë se dy here, ka ethe të vazhdueshme ose temperaturë mbi 38 gr. C, ka jashtëqitje me gjak, ka sistem të dobët imunitar, ka dhimbje stomaku për më shumë se dy orë, nuk ka urinuar për 6 deri në 12 orë.
United Hospital Prishtinë
Numri kontaktues: 038 60 70 70/ 046 60 70 70
Magjistralja Prishtinë-Ferizaj M2 10500 Km7 Prishtinë, Kosova.
Info@united-hospital.com
