Mar, Maj 17, 2022
Banner Top
Banner Top
Shkaqet më të zakonshme të cilat dërgojnë në abort spontan

Abort është procesi kur një fetus ndalon së rrituri dhe vdes para javës së 20-të të shtatzënisë.

Mes tjerash, abortet ndodhin në rreth një në pesë shtatzëni të konfirmuara, zakonisht në 12 javët e para dhe mund të ndodhë po ashtu përpara se të zbuloni se jeni shtatzënë.

Çdokush mund të ketë një abort – edhe nëse jeni në formë dhe të shëndetshme.

Aborti ndodh për shumë arsye të ndryshme. Zakonisht kjo është për shkak se fetusi nuk po zhvillohet siç duhet. Sapo të fillojë një abort, asnjë trajtim mjekësor nuk mund ta ndalojë atë.

Simptomat e një aborti

Aborti mund të ndodhë papritur ose gjatë disa ditëve ose javëve, dhe simptomat mund të ndryshojnë tek gratë.

Simptoma më e zakonshme e një aborti është gjakderdhja vaginale. Gjakderdhja mund të jetë e lehtë ose e rëndë si dhe mund të jetë e përcjellur edhe me mpiksje gjaku.

Ju gjithashtu mund të përjetoni simptoma të tjera si ngërçe në pjesën e poshtme të barkut, të ngjashme me dhimbjet e menstruacioneve.

Një abort zakonisht konfirmohet kur një skanim me ultratinguj nuk mund të zbulojë më rrahjet e zemrës së foshnjës.

Gjakderdhja vaginale nuk do të thotë gjithmonë se po ndodh një abort. Por duhet të shihni menjëherë mjekun tuaj nëse vëreni ndonjë gjakderdhje vaginale gjatë shtatzënisë.

Pas një aborti, çfarë të presësh?

Indet e shtatzënisë shpesh kalojnë natyrshëm brenda pak ditësh, por mund të duhen deri në dy javë. Ndërsa kjo po ndodh, ju mund të vëreni gjakderdhje më të rëndë dhe dhimbje menstruale.

Përdorni peceta higjienike në vend të tamponëve për të menaxhuar gjakderdhjen në ditët e para, pas një aborti. Kjo ndihmon në parandalimin e infeksionit.

Ju mund të merrni paracetamol ose ibuprofen për të menaxhuar çdo dhimbje.

Nëse nuk doni të prisni që indet e shtatzënisë të kalojnë natyrshëm, mund të merrni në konsideratë mjekimin ose një dilatim dhe kuretazh (D&C).

Një D&C është një procedurë kirurgjikale që gërvisht me butësi çdo ind që ende rreshton mitrën pas një aborti.

Mjeku juaj mund t’ju ndihmojë të vendosni për opsionin më të sigurt dhe më të mirë për ju./Raising Children.net.au

Arkiva

Kategoritë