Qendra Klinike Stomatologjike Universitare e Kosovës (QKSUK) ka përfshirë dy shërbime të reja të avancuara, duke modernizuar ndjeshëm shërbimet e saj për pacientët.

Kështu ka njoftuar, ministri i shëndetësisë, Arben Vitia në një postim në Facebook, ku ka ndarë edhe fotografi nga vizita në QKSUK dhe aparaturart e reja.

QKSUK tashmë ka teknologjinë e CAD/CAM sistemit: Kjo teknologji e avancuar lejon marrjen e masës digjitale, dizajnimin përmes softuerëve dhe prodhimin final përmes CAM sistemit. Ky proces rrit ndjeshëm efektivitetin, precizitetin dhe cilësinë e trajtimeve protetike.

Dhe PRF – Aplikimi i fibrinës së pasur me trombocite: Shërbimi i ri përdoret për të plotësuar defektet kockore dhe për të ndihmuar në regjenerimin e indeve kockore. Ky trajtim inovativ është veçanërisht i dobishëm në fushën e Paradontologjisë.

“Brenda dy viteve QKSU të Kosovës është furnizuar me 52 karriga stomatologjike të cilësisë së lartë dhe investime tjera që rrisin efikasitetin dhe cilësinë së e shërbimeve për qytetarët tanë”, u shpreh Vitia. /Gazeta Shneta/

Postimi i plotë:

Qendra Klinike Stomatologjike Universitare e Kosovës tashmë me:

 Teknologjinë e CAD/CAM sistemit

 PRF- Aplikimin fibrinës se pasur me trombocite

Kjo teknologji e avansuar mundëson: marrjen e masës digjitale, dizajnimin e punimeve përmes dizajnimit softwerik dhe prodhimit të produktit final përmës CAM sistemit. Ky digjitalizim rritë efektivitetin, precizitetin dhe cilësine.

 Poashtu shërbimi i ri PRF – aplikimi fibrinës se pasur me trombocite që ka për qëllim plotësimin e defekteve kockore me qëllim të regjenerimit kockor.

 Në QKSUK brenda dy viteve kemi funksionalizuar 6 shërbime të reja:

 Sedacioni inhalator me N2O/02 në Klinikën e Stomatologjisë së Fëmijëve

 Terapia fikse në Klinikën e Ortopedisë së Nofullave

 Trajtimi për zgjerimin rapid të nofullës së sipërme me ekspanderë fiks – Hirax

 Terapia me implante dentare në Klinikën e Kirurgjisë Orale.

 Teknologjia e CAD/CAM sistemit në Klinikën e Protetikës Stomatologjike dhe Laboratorit Dentar

 PRF- Aplikimi fibrinës se pasur me trombocite, Klinika e Paradontologjisë

 Brenda dy viteve QKSU të Kosovës është furnizuar me 52 karriga stomatologjike të cilësisë së lartë dhe investime tjera që rrisin efikasitetin dhe cilësinë së

e shërbimeve për qytetarët tanë.