Sot në vendin tonë janë konstatuar 87 persona të shëruar nga koronavirusi, teksa është regjistruar vetëm një rast i ri pozitiv.
Këtë lajm e ka bërë të ditur IKSHPK-ja.
“Sot më 05 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 220 mostra të marra nga Klinika Infektive dhe gjurmimi i kontakteve të rasteve në terren.
Me SARS-CoV-2, është diagnostikuar vetëm një (1) rast.
Rasti pozitiv është rast kontakti nga: komuna e Mitrovicës 1 rast (sipas vendbanimit: 1 rast Rekë).
Sot më 05 maj 2020, janë shëruar 87 pacientë. Numri i përgjithshëm i të shëruarve deri më sot është 490 raste”, thuhet në njoftim./Familja Jonë
