Shumë prej nesh e dinë se ngrënia e më shumë fibrave është e barabartë me një zorrë të lumtur dhe të shëndetshme, por kjo nuk ndodh brenda natës.

Nëse po përjetoni probleme të zorrëve si një stomak me probleme dhe fryrje, ato mund të përmirësohen brenda dy javësh nëse rritni marrjen e fibrave.

Një studim i botuar në revistën mSystems zbuloi se i duhet kaq kohë një diete të mbushur me fibra për të filluar të bëjë ndryshime në mikrobiomën e zorrëve tona. Pjesëmarrësit konsumuan një shtesë prej 25 gramë fibra çdo ditë gjatë periudhës dy javore me studiuesit që gjurmonin çdo ndryshim të rëndësishëm në shëndetin e tyre në zorrë. Qëllimi ishte që ata të hanin të paktën 40 deri në 50 gramë gjithsej fibra në baza ditore.

Në fund të studimit, studiuesit vunë në dukje se ngrënia e më shumë fibrave rrit numrin e baktereve degraduese të karbohidrateve të arritshme në mikrobiota (MAC). Mikrobiotat janë një burim kryesor i energjisë për bakteret e zorrëve kështu që të kesh më shumë prej tyre rrit funksionin dhe efikasitetin e tij. Kjo nga ana tjetër mund të ketë shumë përfitime për shëndetin tuaj, si ndihma për të humbur kilogramët kokëfortë pa mundime të tepëra, për të ngadalësuar çdo shenjë plakjeje dhe për të stabilizuar nivelet e sheqerit në gjak.

Sa fibra duhet të hani?

Studimi gjithashtu përmend që shumica prej nesh ka gjasa të mos marrë mjaft fibra me dietë mesatare duke përfshirë vetëm 15 gramë fibra në ditë. Kjo mund të çojë në komplikime shëndetësore, të tilla si diabeti tip 2 dhe kanceri i zorrës së trashë. Sasia ideale është 28 gramë, sipas USDA. /Telegrafi/