Ju ka rastisur të dëgjoni njerëz që thonë se nuk përdorin asgjë tjetër për lëkurën përveç kremit të bebit, apo produkte të tjera për fëmijë? A janë vërtet efektive këto produkte për lëkurën e të rriturve?

Produktet për fëmijë nuk funksionojnë për shumicën e njerëzve të rritur dhe më poshtë do të shpjegojmë pse.

Si ndryshon formulimi i produkteve për fëmijë nga produktet e kujdesit të lëkurës për të rritur?

Foshnjat kanë një pengesë lipidike më pak të zhvilluar se të rriturit, kështu që lëkura e tyre është më e prirur ndaj alergjive të shkaktuara nga produktet e ashpra ose ekspozimi mjedisor, pasi nuk ka vaj për të mbrojtur lëkurën e tyre. Produktet e bebeve janë të balancuara me pH dhe përmbajnë përbërës që forcojnë lëkurën që nuk prodhon vajra, pasi ajo mëson ta bëjë këtë vetëm pas një faze.

Për shembull, një shampo trupi për foshnjat është një produkt shumë më i butë dhe mbrojtës se sa një pastrues i plotë. Pra, nëse e përdorni për veten tuaj, mund të vëreni që lëkura juaj, veçanërisht pjesët e trupit me pore të mëdha, do të bllokohen dhe do t’i ndjeni të yndyrshme. Trupi i të rriturve ka pore shumë më të mëdha se ai i një fëmije dhe mesatarisht është shumë më i yndyrshëm, që do të thotë se ka nevojë për një nivel krejtësisht tjetër pastrimi.

Përsa i përket parfumeve për fëmijë, ato zakonisht nuk përmbajnë alkool. Kjo konsiderohet një gjë e mirë nga disa, por për ata që duan aroma të forta, mungesa e alkoolit nuk e mundëson këtë.

Jo të gjitha produktet e bebeve janë “të sigurta” për lëkurën e ndjeshme

Produktet për fëmijë kanë një siguri shumë specifike, për një lloj ndjeshmërie shumë specifike të lëkurës, e zakonshme vetëm tek foshnjat. Të quash produktet e foshnjave “të sigurta” bazuar në këtë, nuk është një pretendim i saktë, sepse ndjeshmëria e lëkurës suaj si të rritur mund të shkaktohet nga disa gjëra të tjera, dhe jo vetëm nga një pengesë lipidike e komprometuar. Një shembull është rosacea, të cilën produktet për fëmijë nuk mund ta trajtojnë.

Ja pse produktet për fëmijë duket se u përshtaten disa njerëzve

Nëse dikush ka lëkurë normale pa pore të mëdha dhe pa tendencë akneike, çdo produkt bazë për kujdesin e lëkurës do të funksionojë për të. Prandaj, shumë njerëz që kanë lëkurë me këto karakteristika, nuk kanë nevojë për pastrues të veçantë dhe mund “të shpëtojnë” me përdorimin e produkteve të buta për fëmijë.

E njëjta gjë vlen edhe për njerëzit me lëkurë pa pore, të thatë. “Johnson’s Baby Cream” funksionon për ta, sepse është si çdo krem ​​tjetër i trashë që thjesht hidraton dhe mbron lëkurën. T’ia rekomandosh këtë të gjithë të tjerëve sepse funksionon në atë lloj lëkure specifike, nuk është e këshillueshme.

Për të rriturit me lëkurë problematike, produktet e bebeve janë humbje kohe

Produktet për fëmijë nuk përmbajnë përbërës që synojnë rregullimim e problemeve të lëkurës, sepse foshnjat nuk kanë probleme me lëkurën. Produktet për fëmijë gjithashtu nuk e eksfolojnë lëkurën sepse foshnjat nuk kanë nevojë për të.

Nëse keni pore të dukshme, qëndroni larg produkteve për bebe. Kjo është për shkak se ato nuk e pastrojnë lëkurën dhe nuk heqin akumulimin në mënyrë efektive, duke çuar në bllokimin e poreve të cilat rezultojnë në akne dhe shpërthime të lëkurës.

Foshnjat e sapodala nga barku i nënës kanë lëkurë dhe flokë me karakteristika shumë të ndryshme nga të rriturit, të cilat kanë nevojë për pastrim të butë. Nga ana tjetër, ju jeni të ekspozuar ndaj shumë ndotësve çdo ditë dhe procesi i qarkullimit të qelizave të lëkurës suaj është krejtësisht i ndryshëm nga ai i një foshnjeje, duke kërkuar një regjim tjetër kujdesi. Nëse e injoroni këtë fakt, vetëm do të pengoni pastrimin e plotë të lëkurës. Si rezultat, me siguri do të keni lëkurë të mbushur me pika të zeza.

Burimi: Living