Një studim sugjeron se shpenzimi i vetëm 10 minutave me qentë e terapisë të trajnuar posaçërisht mund të lehtësojë dhimbjen dhe ankthin te pacientët A&E. 

Pacientët e pranuar në departamentet e urgjencës panë që nivelet e tyre të dhimbjes të bien deri në 43 për qind pasi ndërvepruan me një spaniel (qen i një race me një shtresë të gjatë të mëndafshtë dhe veshë të varur) të quajtur Murphy. Vullnetarët raportuan gjithashtu një ulje deri në 48 për qind në ndjenjat e ankthit.

Në varësi të lëvizshmërisë dhe gjendjes së tyre, pacientët mund të përkëdhelin Murphyn ose ta bëjnë atë të shtrihet pranë tyre si një burim rehatie dhe shoqërimi.

Duke publikuar gjetjet e tyre në revistën Plos One, studiuesit kanadezë thanë se nuk gjetën reduktime të ngjashme në pacientët e grupit të kontrollit. Hulumtimet e mëparshme kanë treguar se edhe ndërveprimet e vogla me qentë mund të bëjnë që truri të prodhojë oksitocinë, një hormon që shpesh quhet “kimikali i përqafimit”.

Ndërsa efektet terapeutike të kafshëve të trajnuara posaçërisht në mjedise shëndetësore janë përcaktuar më parë, eksperimentet e mëparshme shpesh nuk arritën të siguronin kontrolle për të matur ndikimin. Për të matur këtë efekt, studiuesit në Universitetin e Saskatchewan organizuan një provë me pothuajse 200 pacientë të cilët u pranuan në departamentin e urgjencës të Spitalit Universitar Mbretëror.

Pacientëve iu kërkua të vlerësonin dhimbjen, depresionin dhe ankthin e tyre nga 10 minuta dy herë, me një hendek prej 30 minutash midis vlerësimeve. Rreth gjysma e pacientëve patën një vizitë nga një qen terapeutik i quajtur Murphy për 10 minuta në mes të vlerësimeve.Lexo po ashtu:Qentë mund të jenë në gjendje të jetojnë më gjatë me ndihmën e këtij ilaçi

Dr Colleen Dell, një ekspert në shëndetin dhe mirëqenien dhe autori kryesor i studimit, tha se gjetjet demonstruan vlerën e mundshme në qentë e terapisë për pacientët e departamentit të urgjencës.

“Ndryshime të rëndësishme klinikisht në dhimbje, si dhe ndryshime të rëndësishme në ankth, depresion dhe mirëqenie u vunë re në ndërhyrjen e qenit të terapisë në krahasim me kontrollin”, tha ajo.

Qentë terapeutik përdoren herë pas here në NHS për të ndihmuar pacientët, gjendja e të cilëve nënkupton që ata duhet të qëndrojnë në spital për një kohë të gjatë, si për shembull në mjediset e pediatrisë ose të kujdesit paliativ.  Për më tepër, ndërhyrjet me ndihmën e kafshëve përdoren si pjesë e trajtimit aktual për problemet e shëndetit mendor si depresioni. /Telegrafi/