Katër persona kanë humbur jetën nga coronavirusi në 24 orët e fundit në Kosovë.

Po ashtu, Ministria e Shëndetësisë ka njoftuar se sipas të dhënave nga Instituti Kombëtar i Shëndetësisë Publike të Kosovës, informon se nga 4.043 testime, 643 qytetarë kanë rezultuar pozitiv me virusin COVID-19.

MSH ka bërë të ditur se tre viktima i takojnë grupmoshës 70-79, dhe një viktimë i takon grupmoshës 60-69.

Po ashtu, MSH ka njoftuar se sot janë shëruar 2.028 qytetarë, derisa numri i përgjithshëm i të shëruarve është 204.632.

“Në total numri i rasteve aktive është 14.639. Në 24 orët e fundit janë dhënë 1.433 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 1.800.413 doza të vaksinës”, thuhet në njoftim.

Deri më sot 810.436 qytetarë janë vaksinuar me dozën e dytë.

Deri më sot janë dhënë 92.902 doza përforcuese dhe doza të treta të vaksinës kundër COVID-19.