Nga format e ndryshme të kancerit deri te çrregullimet kardiake dhe neurologjike, janë 67 sëmundje që mund të diagnostikohen falë një analize të thjeshtë gjaku, duke analizuar proteinat e pranishme në plazmë, sipas një studimi të Universitetit të Kembrixhit.
Nga format e ndryshme të kancerit deri te çrregullimet kardiake dhe neurologjike, janë 67 sëmundje që mund të diagnostikohen falë një analize të thjeshtë gjaku, duke analizuar proteinat e pranishme në plazmë, sipas një studimi të Universitetit të Kembrixhit.
Studimi hap rrugën për një metodë të shpejtë dhe të thjeshtë diagnostikimi në të ardhmen edhe për shumë sëmundje të rralla, të cilat aktualisht mund të duhen muaj ose vite për t’u diagnostikuar.
Kështu, gjaku dhe proteinat që qarkullojnë në të konfirmohen si një minierë informacioni të çmuar.
Vetëm pak muaj më parë u botuan dy studime britanike të cilat çuan në zbulimin e 618 proteinave të pranishme në gjak dhe tregues të 19 formave të kancerit: 107 nga këto molekula madje mund të sinjalizojnë rrezikun për të paktën 7 vjet përpara .
Një punë tjetër, e botuar në dhjetor 2023 në ”Nature”, kishte të bënte me mundësinë e parashikimit, nëpërmjet një testi të thjeshtë gjaku, se cili organ do të plaket së pari te individët në dukje të shëndetshëm: kjo mund të lejojë që trajtimi mjekësor të drejtohet edhe përpara se personi të sëmuret.
Në këtë rast, studiuesit e koordinuar nga Julia Carrasco-Zanini, Robert Scott dhe Claudia Langenberg analizuan të dhënat në lidhje me më shumë se 3 mijë proteina të marra nga një grup prej 40 mijë individësh të përzgjedhur rastësisht brenda kampionit të bazës së të dhënave të gjerë të ”Biobank Britanica”.
Ky është studimi më i madh i proteomikës, disiplina që analizon të gjitha proteinat e prodhuara nga një organizëm.
Për çdo çrregullim, autorët e studimit më pas identifikuan nënshkrimin specifik, të përbërë nga 5 deri në 20 proteinat më të rëndësishme. Metoda e marrë në këtë mënyrë rezultoi të ishte më efikase në parashikimin e sëmundjes sesa ato të bazuara në informacionin standard që përdoret aktualisht.
“Ne jemi të ngazëllyer nga mundësia për të identifikuar shënues të rinj për shqyrtimin dhe diagnozën midis mijëra proteinave tani të matshme në gjakun e njeriut”, thotë Claudia Langenberg, nga Universitetet e Kembrixhit.
