Depoja e kompanisë Elkos në Pejë mëngjesin e sotëm u përfshi nga zjarri.

Zjarri është lokalizuar, mirëpo ende nuk është shuar tërësisht.

Shef i sektorit për Siguri dhe Emergjenca, Gani Krasniqi, ka thënë për Klan Kosova, se për shuarjen e këtij zjarri janë duke ndihmuar edhe njësitet e zjarrfikësve nga komunat fqinje.

“Përhapja e zjarrit ka qenë shumë e shpejtë, jemi detyruar t’i thërrasim edhe komunat fqinje për të ndihmuar. Kanë bërë një punë të suksesshme edhe pse përhapja e zjarrit ka qenë shumë e shpejtë, për shkak të materialeve që gjendeshin në objekt”, ka thënë Krasniqi.

Krasniqi shtoi se dëmet janë të konsiderueshme.

Disa patrulla policore po qëndrojnë më larg për t’i orientuar vozitësit e veturave të zgjedhin rrugë alternative për çështje sigurie.