Duhet të keni parë kudo pasta dhëmbësh me qymyr.

Madje, mund të keni parë edhe furça me qymyr të infuzuar në qime. I keni marrë në duar, sepse keni dëgjuar që qymyri të zbardh dhëmbët dhe ndoshta i keni blerë. Patë ndonjë rezultat?

E dyshojmë.

Asnjë provë shkencore nuk mbështet efektet që pretendohet se sigurojnë produktet e shëndetit oral me qymyr. Stomatologët thonë se larja e shpeshtë e dhëmbëve me pasta që përmbajnë qymyr mund t’i dëmtojë, në vend që t’i zbardhë dhe t’i mbrojë.

Qymyri që përmbajnë pastat e dhëmbëve në fjalë mund të ngecë në mishra dhe të shkaktojë irritim. Ngaqë është përbërje më abrazive, gjithashtu mund të dëmtojnë shtresën e jashtme të dhëmbëve.

Për habinë e askujt, zbardhja e dhëmbëve në kushte shtëpie nuk është kaq e thjeshtë. Lini një takim me stomatologun!