Mediat sociale janë bërë kaq të rrënjosura në kulturën tonë, saqë është e lehtë të harrohet që nuk ka kaluar shumë kohë.

Joseph Rock, PsyD, ka bërë të ditur për një studim i cili tregon se si sjelljet tona përreth rrjeteve sociale mund të maten ndaj standardeve për t’u diagnostikuar si varësi.

Ai thotë se një nga pengesat e e këtyre rrjeteve është se, për disa, mund të prodhojë ndjenja që i bëjnë ata të dëshirojnë më shumë.

“Njerëzit marrin një ndjenjë të mirëqenies sociale – është sikur të bashkëveprojnë me dikë, sikur të bashkëveprojnë me miqtë,” shpjegon ai. 

“Studiuesit zbulojnë se njerëzit që janë përdorues vërtetë të rëndë zhvillojnë një tolerancë ndaj asaj ndjenje, kështu që atyre u duhet gjithnjë e më shumë ekspozim për të marrë të njëjtin efekt. Si duket kjo? Sikurse përdorimi i drogës dhe alkoolit. “

Një studim i fundit ka treguar se njerëzit që përdorin një platformë të rrjeteve sociale për periudha të gjata kohore kishin tendencën të merrnin vendime më të rrezikshme. Një studim tjetër lidhte përdorimin e rëndë të këtyre rrjetve me më shumë sëmundje fizike.

Dr Rock thotë se është e rëndësishme të kuptosh që këto studime nuk treguan shkak dhe efekt, por rezultatet janë akoma shqetësuese.

Ndërsa ne ende nuk e dimë se kur përdorimi i rrjeteve sociale është i tepërt, Dr. Rock thotë se e dimë se të kalosh shumë kohë u ulur nuk është e mirë për shëndetin tonë fizik ose mendor. Ai thotë se është gjithashtu e mundur që përdorimi i vazhdueshëm i pajisjeve për rrjetet sociale po ndryshon mënyrën e funksionimit të trurit tonë, sepse është i vazhdueshëm, i disponueshëm dhe i ndërprerë.

Nëse nuk jeni të sigurt nëse po shpenzoni shumë kohë në rrjete sociale, Dr. Rock sugjeron të pyesni miqtë dhe familjen se çfarë mendojnë ata. Nëse nuk jeni ende të sigurt, provoni t’i lini për një kohë.

“Mundohuni të ndaloni dhe të shihni se si ndiheni, nëse mundeni, vetëm për disa ditë, provoni të rrini pa to,” sugjeron Dr. Rock. 

“Nëse është vërtet shumë e pakëndshme për ju – mbani në mend se thyerja e çdo zakoni është e çuditshme – por nëse është vërtet, me të vërtetë e pakëndshme për ju, kjo nuk është një shenjë e mirë.”

Studiuesit kanë filluar të tërheqin paralele se njerëzit në të vërtetë mund të jenë në gjendje të krijojnë varësi në rrjete sociale, por për shkak se këto rrjete janë kaq të reja, duhen ende hulumtime më të thella. Dr Rock thotë se do të ketë më shumë studime për të zbuluar nëse varësia e rrjeteve sociale duhet të konsiderohet një çrregullim mendor./Familja Jonë